شاركينا : عادات بلدك ومجتمعك الرمضانيه .كوني سفيره لبلدك

كل عام وانتم بخير :)

يسعدني اكون اول وحده ترد

_______________________

اكلاتنا في رمضان نسوي 3 اصناف
اكثر الاحيان
سمبوسه و شوربه
ونسوي نوعين من العصائر ممكن فيمتو و تانج

واحنا للحين مالفينا سمبوسه لرمضان في كل يوم نلف ونقلي
والنوم
لازم يتنظم طبعا عشان برمضان مايصلح انام بالنهار لانه مايحتسب لي صيام على كذا
والوقت لازم يتنظم راح انظم وقت للعباده ومشاهدة التلفزيون ساعه او ساعه ونص ماراح اطول عنده
ولازم وقت عشان نجلس مع الاهل :)

انا كذا نظامي


وشكــــرا

..
تحيتي

شهر مبارك علينا وعليكم

وشلونكم يالادراه ..
ماشاء الله يالله من فضلك صرتوا مثل هلال رمضان مايطلع الا بالسنه مره

امزح امزح ..اللحين تحذفوني بكبري ..

كل عام والجميع بخير وصحه وسلامه ..
..
اما العادات ..انا اعتقد ان رمضان هو شهر العبادات ..وهو بالذات نبتعد فيه عن العادات ..
>>ياكرهي وانا داخله اتفلسف ..

حنا كل سنه وش نسوي ..
انا لازم انام شوي بالليل ..اما اهلي لا ..
اللحين تبون عاداتي والا عادات اهلي

المهم نقوم نتسحر ..سحورنا قسمين ..
قسم ياكل رز بالربيان ..وقسم يأكل خبز ومعلبات ..
وبعدها ننتظر الاذان ..ونصلي الفجر ..ونتسنن ..ونطلب ربنا ..وكلن بغرفته ..
اللي ينتظر لين شروق الشمس ويصلي ..ويحصل الاجر .واللي ينام ..

بعدين نصحى الساعه 11 الظهر ..عشان سنه الضحى ..
مانبغى تضيع ..ويضيع اجرها ..الله لايحرمنا الاجر ..

وبعدها نرجع ننام ..
ونصحى الساعه 1 ..وبعدها كلن بغرفته يذكر ربه ..
ويقرأ قرآن ..وننزل شوي تحت نتجمع ..ونسولف ..وكلن يشتهي وش يبغى يفطر ..
بس طبعا معصي دامني انا اللي اطبخ مااحقق الا رغبتي ..

ونطلع للصومــعه ..اقصد اللي فوق ..
لين ياذن العصر ..نصلي ..ونقرأ اذكار المساء ..
ونقرأ قرآن ..لين تجي 4 ونص ..وننزل عاد نشوف شغلنا ..
بس طبعا المطبخ مشغل فيه أبو بكر الشاطري والا المعيقلي
او محاضره للشيخ عبدالمحسن الاحمد ..

ونجهز فطور المسجد ..
واذا اذن نفطر .. ونطلع نصلي ..
وبعدها نسوي شاي ..واذا خلصنا ..
طلعنا ننسدح شوي ..وبعدها نتروش ونتجهز للتراويح ..
ونروح نصلي ..ونجي نتعشى ....وبعدين عاد كلن يمسك جهازه ..ويقعد عليه ..

ووبس ..

بس السنه هذي ان شاء الله غير ..
بس اصبروا لين يبدأ رمضان اجي اقولكم وش تغير ..
لانه بالسنه هذي اشياء كثيره تغيرت ..

ووبس ..

كل عام وانتم بخير

اللهم اجعلنا من صوامه وقوامه

اللهم امين

هلا بلا حبايب
عادتنا ان اول يوم نفطر كلنا سواء
بس صاحبت البيت تسوي سمبوسه وشوربه واحنا كل وحده تجيب صنف وتطلع سفره ماشاء الله
اما في بيتي سمبوسه شوربه طبق اخر ولاهوشرط كل يوم سمبوسه,,,
وتسلمين على الموضوع