شاركينا : كيف تربين الخادمة ؟

مرحبا عزيزتي

موضوعك حلووووووو وجاء في وقته كنت ناويه اكتب نفس الموضوع بس ريحتيني الله يعطيك العافية
أنا توني مقدمة على شغاله ومحتارة كيف اتصرف معها خاصة إن بيتي صغير كيف اشغلها طووووووول اليوم يعني اكيد بتخلص بدري وبتجلس فاضية اتمنى الكل يشارك خاصة اللي اسرتها صغيرة وماعندها شغل كثير....................

شوفي أختي تختلف طرق معاملة الخادمة حتى بين الأخوات ......... وبالنسبة لي أول ماتدخل أدلها على حمامها و غرفتها وأخليها ترتاح أول يوم بعد كذا والصراحة أنا من النوع اللي مايحب يتأمر فا أفهمها بداية على شغل البيت اليومي كيف ترتب وتنظف وايش هي الأشياء اللي تعملها بصفة يومية وبالنسبة للتعزيل على قول إخواتنا الشاميات أبدأ فيه وأخليها تساعدني وبعدين أقولها خلاص إنت كل بين فترة وفترة اعملي كذا وأقولها شوفي هذا زي ماهو بيتي بيكون مثل بيتك فزي ماتكوني حريصة على بيتك أرجو إنك تكوني حريصة على هالبيت.... بالنسبة للعقاب الصراحة ما أقدر أعاقبها يحز في نفسي إني أتكلم على وحدة بعمري إذا ما كانت أكبر مني ولكن أوضح لها مدى زعلي على ما أتلفته وأطلب منها الحرص أكثر وبالمقابل نعم أكافئها إذا جدت وأتقنت عملها والعمل اللي مستحيل أوكلها به ترتيب غرفة نومي إلا إذا كان تنظيف شهري مثلا وبمعونتي ... الخطوط الحمراء التي لا أسمح لها بتجاوزها هومعاقبة أبنائي ونهرهم بشدة ......... وعند سفرها نعم أودعها بل وأطلب منها أن تسامحني وتحللني فيما لو أخطأت عليها في يوم ما ......... ملاحظة عند قدومها ارى كثير ممن هن حولي تستلم حقيبتها وتسلم لها ماتحتاجه مما تكون قد جهزته مسبقا (( عاجبتي الحركة بس ما أعطاني قلبي اسويها والصراحة بحاول في المرة القادمة ) وعلى فكرة يطلقون علي لقب حبيبة الشغالات وتقول أم زوجي إنت شغالاتك ما أحد يقدر يشغلهم بعدك من حسن معاملتك لهم ... ومرة قالت لي شغالتي واحنا نتكلم عن خادمة هاربة ( مدام احنا إذا فيه مدام كويس احنا كويس وإذا مدام مو كويس شغالة مافيه كويس ) وأهم شي لاتدخل بيتك أول ماتوصل إلا وهو على سنجة عشرة نظيف ومرتب وكامل مما جميعه علشان تمشي على نفس المنوال ومايجي في بالها إنها هي اللي نظفت وسوت .........

الله يفكنا منهم
انا والله ودي اسأل -- كيف تعاملين الخدامه اللي صار لها عندك 8 سنين
ممشيه البيت على كيفها - تدخل علينا في اوقات معينه وتطلع في اوقات معينه ( هي مع زوجها السواق )
وتنظيفها مو ذاك الزود - تنظف بشكل يومي الاشياء اللي متعوده عليها
وامي ماتقول لها شي على تنظيفها واانا ماحب اقولها شي -- مااحبها
يعني فيه اشياء وسخه في البيت ماتنظفها
بس فيه اشياء تريحنا فيها يعني تكون عارفه لها

بالنسبه للاخت بنت الامجاد -- تقولين لشغالتك اعتبري هذا بيتك -- ههه مستحيييييل تهتم فيها وتحرص عليه مثلك - اصلا هم حاقدين علينا وعلى اللي عندنا -- كيف بتكون حريصه على بيتك

اهم شي انتي راقبيها ونبهيها باستمرار - لاتقولين خلاص علمتها مره يكفي
هي بتنفذ اول مره بعدين ماراح تشوف احد يراقبها راح تهمل
وانا تكفون علموني وش نسوي مع شغالتنا

أنا أشوف ما فى فايده من تعليمهن لان الشغاله الشاطره شاطره من نفسها والكسلانه راح تتعبين وتتعبين وترد حليمه لعادتها القديمه

اوووووووه من الشغالات حظ ونصيب00 اهلي جابو شغاله وجلست ادربها اسبوع كامل وانا في الشهر التاسع من حملي اقوم معها من 6 الى اخر اليوم اعلمها كل شي واذا صار باكر وصحيت اقول خلاص الحين شكله عرفت كل شي والبيت خلته ورده من النظافه لاكني فوجئت انه حاطه كرسي بالمطبخ وجالسه عليه تحترين اشتغل معه مع ان المطبخ ملياااان مواعين من الليل وهي نايمه انا جتني الصيحه المهم جلست عندنا كم شهر قلنا لعل وعسى لاكن لاحياة لمن تنادي فسفرنا عاد قالولنا الشغالات اللي يعرفونه انا هالشغاله سوى سوى رجال يلعب كوره وتنس مايعرف شغل بيت!!!!!!!