**~~شاركيني دورة ..لنستمتع معاً بالرسم والتلوين~~**

شفافيه1 • 15 سنة

الدرس الخامس..
رسم منظر طبيعي ....بالالوان الزيتيه

في هالدرس راح نرسم مع بعض منظر طبيعي..بالخظوات وراح يمر بعدة مراحل..
المرخله الاولى رسم الخلفيه..
انا راح اعرض عليكم رسمها واخليكم يومين ترسمونه...وبعدين تعرضونه عشان اقول ملاحظاتي ونقدر نعدلها أول بأول..ونكمل المنظر بدون اخطاء باذن الله...
اخترت رسم منظر الغروب..لانه من المناظر المحببه لي :biggrinlo واحس فيه جماليه اكثر من المنظر العادي لجمال الوانه ..

بسم الله نبدأ...

**المرحله الاولى_ تلوين السماء بألوان الغروب

هنا الكانفس مقاس20*24 والفرش الي راح نستخدمها...

مهم عند رسم منظر طبيعي نحدد اول شي خط الافق(الخط الفاصل بين السماء والارض) وضروري ما يكون في نص اللوحه ..لابد يكون مقسم ثلث وثلثين...يعني السماء ثلث والارض ثلثين او العكس..

نرسم المنظربقلم رصاص او باللون البني مثل ما تحبون...بخطوط بدون رسم التفاصيل..

هنا خلطت الازرق بشوي أسود....ما نكثر الاسود (بس شوي) ومثل ما انتم شايفين التنر قريب عشان اخفف اللون..

بالفرشه الكبيره ..و في اعلى اللوحه نضيف اللون الكحلي...

ناخذ اللون الاصفر والاحمر..ونمزجهم (اللون الاصفر عندي قديم فصاير ناشف شوي تعبني في المزج)

نمسح الفرشه بالمناديل..ونمزج اللون مع الكحلي..راح يكون خليط من البنفسجي والبني في اماكن ثانيه..
طبعاً هالالوان تختلف حسب كمية اللون (فمو شرط يطلع بنفسجي وبني يمكن بني بس او بنفسجي)
الاحلى تكثرون احمر عشان يطلع البنفسجي..

هنا بس الاحمر...وطبعاً بنفس الفرشه بعد ما مسحناها بالمناديل <<<<خذوها قاعده (اذا بنغير اللون في المزج نمسح الفرشه بالمناديل)
مثل ما ذكرنا في درس مزج الالوان..

جاء دور الاصفر....

+4

شفافيه1 • 15 سنة

:)

هنا لما اضفنا الاصفر طبعاً مع مزجها للاحمر طلع البرتقالي <<<:42:

نزيد الاصفر ...بخطوط متفرقه...

ونمزجه مع الخلفيه براس الفرشه وبخفيييييييف...عشان ما يضيع الاصفرمع باقي الالوان..وهذا الاختلاف في الزيتي...لما نمزج لون لازم ننتبه في مزجه وألا ضااااااااع بين الالوان....:09:

انتهينا من تلوين السماء...انا بسطت وقت الغروب وما رسمت الشمس...لأنها بتكون شوي يبغالها ممارسه عند استعمال الالوان الزيتيه..

يالله نشوف تطبيقات حلوه بحلاوتكم ياحلوين :)

في حفظ الله :26:

مبحرة في ذكرياتي • 15 سنة

ما شاء الله تبارك الله

انا اعشق الغروب

بس ما عندي زيتي ان شاء الله اليوم اروح جرير واشتري واجيك بالتطبيق

الاحلى حتكون بالخطوات تسلم الايادي

والف شكر على شهادات التقدير الي منحتيها للمشتركات

الله يجزاك الجنة على المجهود الجبار الي قضيتيه معانا

جنون وصبى • 15 سنة

الله يعطيك العافيه
والف شكر على الوسام
والله مو قادره اشارك معاكم
لنفس الاسباب اللى قلتها بس باذن واحد احد
وقت مااخلص وابداارسم
راح احطها بموضوع متقل وارسل لك
ابله شفافيه الرسومات
لانه مااستغني عن توجيهاتك
وشكرا لك مره ثانيه
ومتابعه معاكم للنهايه