**~~شاركيني دورة ..لنستمتع معاً بالرسم والتلوين~~**

شفافيه1 • 15 سنة

الدرس الثاني..
شرح بعض طرق الرسم..
كثير منا لما يسافر ويشوف المناظر الطبيعيه ..اوحتى هنا بديرتنا او وهو في بيته تمر عليه ايات من خلق الله تعالى وما يستشعر عظمة الخالق فيها..فتمر عليه مرور الكرام..وينسون افضل عباده وهي عبادة التأمل ..وعشان كذا سميت بالعباده المنسيه..بتقولون ليه قلبت درس دين....؟؟؟
حبيباتي التأمل له دور كبير في تعلم الرسم..
انا اقولكم كيف..هنا ماأقدر امسك يد المشتركه في هالدوره واقولها لازم ترسمين زين..لا طبعاً ما يصير..
أنا الي اقدر عليه هو اني أقولها..((تـــــــــــأملي))ا
تأملي كل شي قدامك في السفر <<<<ذابحها السفر
في الشارع وفي العمل وحتى في بيتك..
تأملي كل شي حولك.......
تأملي الالوان وتناسقها في الطبيعه

تأملي قطرا ت الندى.....في حديقتك او حتى في النباتات الداخليه لما تسقينها..

تأملي نور الابجوره..وكيف ينتشر نورها بالغرفه..

واشياء كثييييييير ه حولينا ..
لازم ندرب العين على التأمل..
هالصور تنطبع في اذهانا..ولما نجي نرسم تعطينا هالصور اذا كان الي اسميته صح او لا...
ومن أهم طرق الرسم وهي مرتبطه بالتأمل ..النقل من الطبيعه ويسمى (الامشق)
لما تجين ترسمين دايماً يجيي في بالك ..ايش ارسم؟؟؟؟ صح..؟؟
لا تعبين نفسك اي شي قدامك ارسميه حتى لو ماتعرفين ترسمين
ارسمي لحد ما تتدرب يدك على الرسم...

شفتوا هالصوره ...الرسام لما جاء يرسم ما قال..لا انا فنان
اعرف ارسم..ما يحتاج احط العناصر قدامي ..لا..
جهزها ورسمها وشوفوا النتيجه كيف....نسسسسسخه..

لما كنت بالمتوسط كنت أمسك الكراسه وهات يارسم......
هالرسمه مستحيل انساها رسمت اخواتي واخواني وهم في الصاله..وكل واحد بوضعيه غير..
الي يسولف.. والي يقرأ جرايد..والي يلعب...بس طبعاً ما كان متقن..بس سبحان الله الاقي متعه كبيييييره وما كنت ادري ان هالشي راح يفيدني ...
ياليت اشوفها هذيك الرسمه ألحين<<<نست الدوره قامت تسولف
اعتقد وصلت الفكره وما ودي اكثر كلام..بعدين تملون
عارفه تحبون الصور..مثلي <<<على فكره الفنان والي عنده حس فني يحب يشوف اكثر من يقرأ او يسمع

المهم.. هذي صورة ركن من بيتي......

حاولت ارسمه...وهذي رسمتي..

طبعاًهالشي ما يكفي فطرق الرسم مرتبطه ببعضها
فكيف راح ترسمين وتحديد النسب بين العناصر..
ايش يعني تحديد نسب؟؟؟؟؟
مثلاً عندنا ابريق وجنبها تفاحه..

مع تأمل وملاحظة هالعنصرين..نلاحظ ان الابريق اطول من التفاحه..طيب كيف نقدر نحدد الطول والعرض..عشان تكون رسمتنا صحيحه..
1- امسكي القلم بيدك اليمين ومدي ذراعك للامام..
2-القلم يكون قدام عينك اليمين وسكري العين اليسار..
3-خلي راس القلم في قمة الابريق(مثالنا) ونزلي يدك _مع ثبات راس القلم على القمه_ لحد ما توصلين لقاع الابريق..

الي ما فهم ..الصوره توضح(هنا طلبت من بنتي تساعدني) الله يحفظها..

شفتوا كيف اخذنا القياس..
وهنا اخذا طول التفاحه...

يعني طول الابريق تقريبا ثلاث اضعاف طول التفاحه..
وهنا اخذنا العرض...

كذا نكون حددنا النسب..وممكن نبدأ نرسم..
بس خلونا نشوف الطريقه الثانيه وهي مرتبطه بالاولى.. وراح تساعكم اكثر لاتقان الرسمه..

+5

شفافيه1 • 15 سنة

الطريقه الثانيه..
هي التأطير..مأخوذه من ايطار بمعنى براوز<<<مره درس دين ومره نحو....خخخخ
بشرح لكم بالصور..اسهل في توصيل المعلومه
اول شي نجهز الصوره المراد رسمها..

نحددها يايطار هندسي..للاقسام الخارجيه فقط..
لاحظوا الخط الاحمر

نرسمه بذهنا وبعدين .. على الورقه..

بعدين نرسم خطوط مستقيمه ومنحنيات ..وهنا نحدد اكثر التفاصيل..ما ننسى تحديد النسب..

لاحظوا الخطوط السوداء ..

وكمان نرسمها على الورقه

واخيراً يجي دور رسم التفاصيل للشكل..

ولما ننتهي من رسمها ..نمسح الخطوط..ونبدأ نظلله او نلونه..

نجي لطريقه سهله مره ومنفصله عن الطرق او الاساسيات السابقه..
وهي الرسم بطريقة الشبكه..ويستخدمها الفنانين في تكبير الصور الصغيره..

وهي لما نحدد الصوره الي راح نرسمها,,ولازم تكون واضحه عناصرها..
نرسم عليها خطوط افقيه واخرى عموديه..بحيث تكون المسافات بينهم متساويه. فنحصل على شبكه ..ممكن تستخدميين احد البرامج لرسم الخطوط كالرسام او الفوتوشوب..
نرسم على ورقه بيضاء نفس الشبكه..ويفضل ماتكون المربعات كبيره عشان ما نضطر نرسم اجزاء كبيره من الصوره ولا مربعات صغيره..الوسط احسن..
وبعدين نبدأ نرسم ..نشوف كل مربع من الي بالصوره ايش مرسوم عليه ونرسمه في مربع الورقه البيضاء..
لحد ما ننتهي من الرسمه كلها ..اتمنى فهمتوها..مع اني اتوقع ان اغلبكم يعرفها..
للأسف الصور الي جهزتها لهالطريقه مسحها ولدي(الله يصلحه)
وكانت بالخطوات بعيدها بكره وانزلها ان شاءالله..:(

هذا كل شي لدرس اليوم..
اتمنى اني اكون وفقت في الشرح.. وطبعاً هناك الكثييير من اساسيات الرسم ماذكرتها..
لانها بصراحه تحتاج للاهميتها مواضيع مستقله..منها الايقاع والتكوين واهم شي المنظور...
المنظور درس في غاية الاهميه...ان شاءالله انزل له موضوع مستقل..

ملاحظه..الي حابه تتعلم راح تلاقي دروس كثيره في المواقع الفنيه..وكان بامكاني اني انسخ والصق..وارتاح..بس حسيته راح يكون معقد ومتفرع شويتين..
فبسطته باسلوب سهل...اتمنى انه يكون مفهوم..

واجب الدرس..:09:
اختاري ثنتين من الطرق..( النقل_التأطير_الشبكه)
النقل لازم من بيئتك وتعرضين لنا الصوره مع رسمتك لها..
التأطير بالخطوات زي ما انا سويت..
الشبكه عرض الصوره والرسمه..

لكم خمس ايام تعرضون تطبيقاتكم..بعدين راح نبدأ الدرس الثالث باذن الله..

بالتوفيق ..واي سؤال انا حاااااضره

بأنتظاركم...:26:

+1

أرين الحلوة • 15 سنة

يارب التسجيل مايكون خلص

جيتكم جرررررررررري :o

وشوفي ياشفافية ياقمر حطيت لك الشعار هو اللي عطلني وماخلاني اجي بسرعة خخخخخخ

نسرين كرافت • 15 سنة

لو حكيت لك قصتى تستغربى
انا هاوية الاعمال الفنية منذ نعومة اظافرى
والكل يشهد لى بذلك ولكننى لا اعرف الرسم
مرة قابلنى احد الخطاطين فى معرض من معارضى
واعجب باعمالى وسألنى ان كنت ارسم -بنظرة الرسم اساس الفن_
وخندما اجبته بالا اندهش وقال انتى تتقنين ثلاثى الابعاد والرسم ثنائى الابعاد
ومنها رسخت بذهنى انى لا اعرف ولن اعرف الرسم
وقبل سنة تعلمت التلوين والاضاءة واتقنتها وصرت ادرب عليها
وصدقينى عندما اشتركت بدورتك ما انتبهت انو هنالك رسم وفتكرت انه تدريب على التلوين
واليوم تفاجئت واحسست اننى لن استطيع وكدت انسحب من الدورة
لكننى تراجعت
نعم ساشترك وادعها فرصة لتعويض ما فاتنى وتعلم ما كنت اظن انه مستحيل
وستكونيين انت السبب
ولك الفضل
لكن لابد من متابعتى وعقابى فى حال تاخرت او تماطلت

شفافيه1 • 15 سنة

أرين الحلوة :

يارب التسجيل مايكون خلص جيتكم جرررررررررري :o وشوفي ياشفافية ياقمر حطيت لك الشعار هو اللي عطلني وماخلاني اجي بسرعة خخخخخخ

يارب التسجيل مايكون خلص جيتكم جرررررررررري :o وشوفي ياشفافية ياقمر حطيت لك الشعار هو اللي...

حياااااك..وعلى قولتك ان شاءالله تستفيدين:)

انتبهي لا تتطيحين وانت تجرين :42:
يالله معانا..لسى ما بدينا في التطبيق..انتظر تطبيقاتك