شاريه البيت استثمار ولا عشان تخلينه جمعيه خيريه 💔

السلام عليكم بنات
كيفكم
انا شريت بيت دور وشقتين وبما اني ساكنه مع زوجي قلت بأجره كله ورحت مكاتب عقار ودليتهم على بيتي وقلت لهم اني ابي الإيجار كل ست شهور مو بالشهر
وبعد وقت جاني مستأجر بس يبي بالشهر رفضت بالبدايه بعدين لما عرفت انه سوري وافقت بالشهر ونزلت بالايجار واحتسبتها عند الله ( الله ينصر اخواننا في سوريا وفي كل مكان ) وبعدها بكم يوم جت حرمه تبي الشقه الثانيه (هي من أسر رعايه السجناء) قالت بتدفع لي حق شهرين بس عشان تقدم اوراقها المؤسسه حق رعايه السجناء عشان يصيرون يدفعون عنها الايجار انا رحمت حالها حرمه ومعها طفلين بس
لحالها قلت برضه بحتسب الاجر عند الله
وانا اسولف مع اهلي سالوني اجرت الشقق ولا لا وقلت لهم عن السوري والحرمه هذي
هبو فيني انتي تاجرين بخساره وكيف تعوضين اللي ياخذه البنك منك انتي غبيه ( ومن هالكلام ) ويقولون انتي شاريه البيت تستثمرينه ولا عشان تفتحينه جمعيه خيريه ولهم يومين ي بنات يعيدون ويزيدون بهالموضوع احس ضاق صدري ولا قدرت انام
حسسوني اني ( غبيه وماني كفو يكون عندي بيت )
ي بنات اللي يرحم حال الناس ( غبي ) ؟؟