لقد قررت أن أضع هذه الصفحة وأتحدث عن شاعر أو شاعره وأخبركم عن سيرتهم الذاتيه.. و أطرح بعض أشعارهم ... وأتمنى أن يعجبكم هذا الموضوع...
في هذه المرة أريد أن أتحدث عن الشاعر الشيخ حمدان بن محمد بن راشد المكتوم حفظه الله:
الشاعر الشيخ حمدان بن محمد بن راشد آل مكتوم ويلقب ( فزاع ) .
رئيس المجلس التنفيذي في إمارة دبي
ولد سمو الشيخ حمدان بن محمد بن راشد آل مكتوم فى دبى عام 1982 وتلقى دراسته الثانوية فى مدرسة راشد الخاصة للبنين فى دبى ثم سافر الى بريطانيا حيث درس فى كلية ساندهيرست العسكرية الملكية البريلطانية العريقة وتخرج منها عام2001 .
وقد تتلمذ سموه على يدي والده صاحب السمو الشيخ محمد بن راشد ال مكتوم شعرا وفروسية وأدبا وحضورا حيث يصطحبه سموه فى معظم جولاته وزياراته ولقاءاته الخاصة والرسمية على المستويين المحلى والخارجى حيث عرف سمو الشيخ حمدان بن محمد بمشاركته الفاعلة فى المناسبات الوطنية والاجتماعية ويحظى سموه بشعبية واسعة فى أوساط شباب الوطن وهو يسير فى هذه الطريق على نهج والده الذى يحرص دوما على الالتقاء مع أبناء وبنات شعبه فى كل موقع للاطمئنان على أحوالهم وتوفير احتياجاتهم ومشاركتهم أفراحهم ومناسباتهم الاجتماعية .
وهذه بعض أشعاره:
الـقـلـب مـاهــو لـعـبـة ٍ فــــي يـديـنــك ياللـي المشاعـر كلهـا عـنـدك اوهــام
الـفـرق واضــح صــار بـيـنـي وبـيـنـك مثـل اليقـيـن ومـثـل طـريـات الاحــلام
مـاعــاد يـنـفـع لــــو يــــردك حـنـيـنـك خطاك كان اكبر من اسف حبر الاقلام
حـتـى الـرسـايـل فـــي هـوانــا تـديـنـك عـنـوانـهــا كـــــذب وخــيــانــات وآلام
بنـسـاك بنـسـى كـــل زيـنــك وشـيـنـك جــرح ٍ جـديـد وزاد ع جــروح ٍ قـــدام
ســدد مــن ايــام الشـقـا بـعـض ديـنـك والـلـي يـسـوم الـنــاس لابـــد يـنـسـام
كـنــا عـلــى كـــل الـخـطــا عـاذريـنــك لانستـمـع بـالـلـي حـكــى فـيــك لـــوّام
والـيــوم قـلـبـي والـفـكــر رافـضـيـنـك هيهـات يرجـع حـب مـيـت مــن الـعـام
وهذا شعر آخر:
لا تحـاول تعيـد بدمعتـك مــا مـضـى ما تداوي دموعك جرح طول البعـاد
إنتهى الحب يا اللـى بيننـا وانقضـى ولا بقى لك بقلبـي غيـر ذكـرى وداد
كنت أجيك بْخفوقٍ فيـه حـبّ ورضـا وكنـت انتـه حبيبـي غايتـي والمـراد
وكنت أشوفك حياتي جوّها والفـض اوكنت يومٍ تغيب آمـوت هَـمّ وْ نكـاد
بس خِذْها بْصَراحـه القضـا بالقضـا ذوق كاسٍ شربته منْك اسمـه عنـاد
يرفض القلـب مثلـك بـه ودادٍ حظـى دامه انسان مثلك قطعـةٍ مـن جماد
ما تعيش المشاعر في خفوقٍ فضى كيـف تبنـي ودادٍ لـه عـنـادك عـمـاد
يا فقير المشاعر، يـا شتـات الشظـا المحبّـه بــوادي، وانــت والله بــواد
وهذا شعر آخر:
فــي عـبَـارات العـيـون أشْـيَـا كَثـيـره تسـألـك دَمْـعَـهـا حَـكــي وْنـدَاهــا بَـلَّــل الـخَــد الـنــديّ
ما قدرت أرضـي غـرورك واستحيـت آزَعّلِـكْ كلـمـا لــك وانــت تنْهِيْـنـي وانـــا ارِدّ ابْـتِــديّ
دام نَـظـراتـك مَـــدارات وْرجَـــا قَـلـبـي فَـلَــك كَم عن (برج العَرَبْ) يبعد مدى (برج الجدي)
قلـت تقريـبـاً عــدد مــا عـاشِـقْ بْحـبَـك هَـلَـك تقصـد الا عـدّ نِـصّ جْــروح قلْـبـي يَــا بْـعَـديّ
قلـت لـك لا لا تــرد تْـقـول لــي مَــا قـلـت لــك المشاعـر مـا تنـام الاّ انـت قلـت لْهَـا ارقــديّ
وانت يوم الله عَطَاك أحلى الوصـوف وْكَمَّلـك كيـف تتركنـي علـى شَطِّـك وانـا قلبـي صــديّ
والله ان عـروق قلبـي كلّهـا ترتـاح لـك ليتـك الاّ مـثــل مـــا خـــذت بْــيــدك خــــذت بْــيــديّ
مـن لمَسْـت ايـدك وانـا اتْفَـداك واتْفَـدَّى هَلِـكْ ما دريت أنَّ الهَوى والعشْق باللَّمْـس يْعَـدي؟
وأيضاً:
يــا مـرحـبـا يـــا مـغـلـط فـــي تلـفـونـي مسموح .. مسموح والغلطـات عفويـه
صفريين تسعـه وستـه .. ستـه تمونـي الـرقــم هـــذا فـتــح خـــط الـسـعـوديـة
ان قـلـت لـبـيـك آمـــر هـــذي عـيـونـي فتـحـت ذا القـلـب والنـيـه عـلى النـيـه
خليـت لـك فـي الحنايـا بصـمـه ولـونـي تفـرق علـى لــون دمــي فــي مجـاريـه
خليـت لــك يــا حبيـبـي بـيـت فرعـونـي يخربـط النـاس فـي الـروحـات والجـيـه
وخليت لك في عيونـي ركـب وضعونـي تـزعـل وتـنـزل تـحـت جفـنـي وفـوقـيـه
يا صاحبـي وان نشدنـي طيفـك شلونـي اقـــول طـيــب وطـيـفـك فــيــه مــاريــه
مـاريــه يـــوم تـقـبـل تـجــذب لـحـونــي واجـر لـه مـن لـحـون الـشـوق قافـيـه
بيـحـت يــا قـاصـد الغـلـطـات مكـنـونـي وانـا رومنسـي احـب اهـل الرومنسيـه
من دونك اعيش وانت تعيش من دوني يـا ليـن اوحيـت صوتـك يـا لعنبـو حـيـه
رجـت زوايـا خفـوقـي وانـشـد ركـونـي وانـا ولـد شيـخ لــي هيـبـه وشخصـيـه
الارض ارضي والكون المرجله كوني لــكــن الــحــب والـعـاشــق وطــاريـــه
تكـفـون يـــا نـــاس بالله لا لا تلـمـونـي الصـدفـه الـلــي بـلانــي عـــاد جـبـريـه
سمـونـي العـاشـق المـغـرم وسمـونـي الـشـاعـر الـلــي قـصـايــده ارتـجـالـيـه
قنـابـل مــن فـكـر راســي ومضـمـونـي لـكــن قـنـابـل غـرامــه هــــي بــذريــه
واغـنـي الـبـيـت مـتـواكـب ومـوزونــي مـبــدع ومـجـنـون وافـكــاري خيـالـيـه
يـا نجـد ودي اغـنـي بــك عـلـى هـونـي حـوريـة الارض فــوق الارض نجـديـه
أتمنى أن يعجبكم الموضوع وسوف أبحث عن شاعر آخر وأحدثكم عنه في المره القادمه...
:26:
نتمنى إثراء الموضوع من الجميع