شافوني أربعة بالشوفة الشرعية ولا حصل نصيب !

:confused: الســلام عليكم ...

أكتب لكم والله وانا مرة متحطمة ومتقطعة ألف مررة مع اني ولله الحمد ولا هو مدح لنفسي واثقة من نفسي مرررة وأمتلك جماليات ماقول اني ملكة جمال لكن متوسطة إلى أكثر من المتوسطة ولله الحمد وأكبر دليل اني لفت نظر الأهل والحريم وتحصل موافقة الحريم وانتوا تعرفون نظرة الحريم والبنات أدق من الرجال !
لكن عند الشوفة بعد يومين ثلاثة ترسل الأم لأمي هذه الرسالة " استخار الولد ولا كتب الله نصيب الله يعوضها بالأحسن " ..
كأنها خنجر يطعن في صدري عارفه الحمدلله انها خيرة وان الله ردهم عني وبيعوضني بالأفضل ..
لكن مهما كان أنا إنسانة لي مشاعر وأحاسيس عمري الآن 28 مع ان شكلي أصغر من عمري بكثيير الحمدلله المرة الأولى مرررة سويت نفسي عادي وقوية مع اني بكييت كثير المرة الثانية نفس الشي الثالثة ... الرابعة والله تبلد إحساسي وابتسمت خخخ حسيت اني هانت علي نفسي مررة ومن كثر ما انجرحت خلاص ..
الحين لازلت أنخطب لكن والله ما أقدر تعباااانة كل ما ذكرت انها بتصير شوفة وأتخيل السيناريو قدامي ....
قلت شكلي الحمدلله مافيه ان شالله شي يمكن مسألة قبول فكرت قلت أنا أدخل أسلم ومبتسمة الحمدلله يعني ماني من النوع اللي تكشر والا قشرا أو أو ...... بس ما أدري والله مررة تعبانة ادعوووا لي تكفووون يفرج لي ربي همي ..

للعلم .. حصلت مرة موافقة من شخص في الشوفة من طرفي وطرفه لكن ما حصل نصيب لأسباب أخرى ..

أتمنى تدعون لي واللي عندها قصة مشابهة لي تقولها من باب التفاؤل ..
والله يكتب لي ولكم اللي فيه خير ..

دعواااااتكم :confused: