شاف شكلي قبل يتقدم

السلام عليكم
مدري من وين ابد لكن بحاول اختصر قد ماقدر
نفسيتي محطمه من شهرين
انا عندي صديقات وقريبات
واحط لهم قصه خاصه
ودايم اصور شكلي بفلاتر وكذا
من سنين من يوم طلع السناب
وانا اعرف اصور يعني اخذ زاويه حلوه
مع إضاءته يطلع شكلي غير
يطلعني حليوه
وانا بالواقع العكس تماما
فكلمت امي ام صديقتي
انه بنتقدم لفلانه وكذا انا انصدمت
لان اخو صديقتي وظيفته حلوه
واذكر صديقتي تقول
انه فيه غرور ويهمه الشكل والجسم بالبنت
ماتتخيلون قد ايش انبسطت قلت يمكن الله بيعوضني
وافقنا وتمت الشوفه من بعدها ماردو
بعد فتره ردو انه مافي نصيب وبس
شكرت امي
لكن مارتاحت امي بعد يومين امي
كلمت ام الولد وقت الصبح ماكان عندها احد
حاولت امي تفهم امي راح بالها ان احد
متكلم فيني عندهم او شي لكن ام الولد
واضح انها من حريم اول وعلى النيه
وحرمه كبيره
قالت والله بيني وبينك ان ولدي يقول لأخته
موب مثل اللي وريتني إياها بالسناب هذي
وحده ثانيه !!
انصدددددددمت صدمه عمري معقول
السناب يغير الدرجه هذي
ومعقول هي تتجرا وتوري اخوها شكلي
يعني هذي نهاية الثقه
البنت ماصارحتها بكل امانه امي ورفضت اصارحه
تقول لاتسببين بينها وبين امها مشكله
واضح امها على النيه وقالت كذا
وصديقتي من بعد ذاك اليوم وانا منقطعه
عنها وهي ع بالها اني زعلانه عشان اخوها
رفضني مانكر اني بعد كلام امه
انكسررررررت بشكل كبير تمنيت
انه رفضني عشان مارتاح لي
او شي كذا لكن مو
يقول هذي وحده ثانيه موب مثل اللي وريتني بالسناب!!