والنعم بالله

بس احس صعبة جدا

اني احس او اشوف زوجي يخون
واسكت او اقدر اتقبل


لانه بالمقابل لو انا مكانه اخون لو بمكالمة
بيسكت والله ماغير يسحبني بشعري لبيت اهلي ويادار مادخلك شر


الحين ينادون بالمساواة بكل شي بين الحرمة والرجال
الا في الخيانة لا
ليش يعني ايش الفرق
الرب واحد والحساب واحد

لا احد يقول في فرق
في فرق لما تكون بنت لسه تلعب وتهوى وهي في بيت اهلها براحتها وانت براحتك عزابي لا وراك ولادونك

بس لما نكون زوجين اثنين في بيت واحد وحب واحد
نكوون مسؤولين من كل تصرف بنسويه

اللي يضايقك يضايقني
واللي يجرحك يجرحني

اجل احترام على ايش

اذا ماحترم نفسه ومشاعري كانسانة قلب وورح

احترمه انا على اي اساس

مثل ماتبي اكلم احد غيرك ولا اشوف احد غيرك
انت نفس الشي ياحبيبي
مثل ماعندهم شيطان ونزوات وشهوات
احنا مثلهم بالضبط
خاصة المتزوجين وساكنين تحت سقف واحد

الكلام يطول

والنصيحة اوكي بس فيها ضلم للمراة ,,,,,,,,, والله اعلم وجهة نظر

الله يسخره لك 
بي الي قالك النصيحه اسمحيلي ماعنده سالفه
اجل بنات وشراب ومخدرات ونغض الطرف ونتجاهل والله لو اننا احجار لاتشوف ولا تحس
بغض النظر عن ان هالاشخاص ناس كبار مفروض يكونون واعين والي يغلط يتحمل سواء كان رجل او امراه هذا المفترض 
 والبنت  فينا لو ترفع صوتها  ويطلقها  انتي السبب كان مارفعتي صوتك عليه 

ام نايف كفت ووفت .. يا ترى لو الزوج شك في خيانة زوجته 
هل بنقول للزوج  نفس الكلام  لا تفتش وراها وهذا الشي بينها وبين ربها 
وبكره راح تتوب وترجع لك ولبيتها 

وانت خلك دائم بشوش عشان ما تكرهك الان الرجل الثاني مكفيها حنان 

واكشخ والبس 

وحافظ على بيتك 
لا تهدمه 
وهذا هو كلام العقل !!! 


والله بس هالكلام السلبي  للحرمة 
والرجل حرر حتى في الغلط والحرام 
ووضعه مختلف بس عشان هو رجل !! 

الخيانة مرفوضة للرجل والمرأة على السواء 
لتكن النصيحة واحدة في الحالتين،، 

 فالله لم يفرق بين الزاني والزانية .. وهذا مثال على عدم التفرقة في الدين  

المعذرة منك

ليش تبين راي رجال؟ وش بيكون راي الرجال يعني؟
ماهو قايل لك: زوجك غلطان واعطيه فرصة فرصتين ما تعدل
يا تطلقين منه او تسحبين عليه وتعيشين حياتك مطنشته زي ماهو مطنشك

بيقول لك نفس الكلام الي اقتبتسي ..

اذا تحسبين الرجال حقانيين فانتي غلطانة

لاحظي يوم تكلم عن الي زوجها راعي شراب
وعلاقات ما لامه هو انما لامها هي على انها زعلت
على شي منكر !! يقول لك الي برا البيت بينه وبين ربه
وهو لو يسمع او يشم ريحة ان زوجته تتميع بالاسواق او
تغازل كان قربها الانتربول الدولي ... !

فلما يقول حافظي على بيتك فهو يقصد فيها
حافظي عليه حتى لو خانك حتى لو لعب من وراك
والحجة : ممكن يتعدل بعدين .. كلام ماخوذ خيره
يبيك تحطين نفسك بموقع منافسة مع بنات الحرام عشانه
ولو تدققين بكل النصايح لاي بنت يخونها زوجها بتلاقين شي واحد
: انهم يبون منك تتنافسين مع بنت الحرام الي يكلمها زوجك عليه !
لا تاخذه منك على اساس هي الي جرته من رقبته مو هو الي راح لها !!
فيه استغفال اكثر من هذا .. ؟؟

بالنسبة لك انتي ، احسن وافضل حل انك تفتحين مصارحة
بينك وبين زوجك وتقولين الي بخاطرك وهو يقول الي بخاطره
واضح جدا انه شايل عليك فانتي لا تخلينه يشيل اكثر
افتحي المصارحة

خلك واضحة معاه بطريقة راقية جدا ..واسأليه هل انت بايع ؟

إن سكت أو قال إيه بايع فتكونين اختصرتي مشاكل وآلام كثيرة مستقبلية .

إن قال لا والله شاريك ففيه مجال تكملين معاه نقاشك وتشوفون مع بعض سبب ابتعاده بعد وصل جميل ..


وفقك الله .