شاكة في زوجي وابغة اخذ رائيكم لو سمحتم ضروري ..................

القصة تبداء من عيد الفطر الي فات والمشكلة اهله لما روحت عندهم وصار الى صار وبس وصل الموضوع الى كانو مامتو واخواتو يشدشوني وكانو حيضربوني ! وبعدها زوجي اتغير ومايقرب مني وبس ويصل الى انو موطايق اهلي وصار يوصلني عند اهلي من عند الباب ويمشي وبالقوي يسلم عليهم وقلت امكن عشان اهلو زعلانة معاهم وبس ورضيت من حالي وقلت عشانه هو اسوي ايش مع انواتكلمت امو في شرفي ولا اخدلي حقي . ودحين من يومين صحيت في الصباح وكان في الغرفة التانية وصحيت ادور عليه ولقيتو في الغرفة التانية ومعه الجوال ولما شافي ارتبك وبس وبعدين دخل يكمل ينام وشوفت اخرالمكلمات ومافي طبعا ولقيت اسمي في وقت ماتصل عليه فيه ولاكلمتو وبس وشفت مدة اخر مكالمة ولقيتها 5 دقائق وشوية وكان اخوية اخرواحد كلمو بس ثواني . ولقيت ارقام العملاء في الجوال حقو وخذتها وبس اتصلت وكلها رجال بس واحد كانت وحدة حرمة مثلا يكون غبي وخلي الرقم ولقيت اليوم الثاني انومتصلة عليها الساعة 5وثلث وهو متصل عليها الساعة 6 وشوية وهو لوانا اتصلت او اي احد ما يرد على الجوال ويتصل عليه من تلفون الشركة و ليش لو انها زبونة ليش ماتصلت على تلفون الشركة صح او خطاء ليش ايش بينهم يكلمها في الجوال احترت ايش اعمل
!بس مني عارفة ومطنشني كأني جدار في البيت ويرجع متاخر الدوام يخلص الساعة 8ونص ويجي 11 م تخيلو ايش اعمل والبس واتشيك ولا كاني موجودة . هو بس يجي ينام وبس تاكل وينام وابغه حل في مشكلتي هذه ايش اعمل اريد الحل والله مني منقصة في حقو ومافيه شيء ناقص كل الناس يمدحو فيها وكلو كوم وانو يقلي روحي عند اهلك وقلو ابغة اخذ دورة انجليزي يقولي خذيها افضل في الخارج اني اروح لحالي يناس ايش اسووووووووووووووي والله تعبت الموضوع حيكمل تقريبا سنة اريد الحل بسرعة لوسمحتم وشكرا لكم عشان بتقرأو قصتي واتمنى الرد::(