الحمدلله والصلاة والسلام على رسول الله وعلى آله وصحبه أجمعين
كيييفكم بنوتات
اليوم حنزل وصفة معروووفة في بلاد الشااام
حلوة و خفيفة و ما في أطيب منها
إن شاء الله تعجبكم يا رب
نبدا بالمقادير و الطريقة سوا :-
أول شي بنسلق لحمة شقف ( تقريباً نص كيلو )
ستي حكتلي ازا اللحمة مجمدة فوريها و شيلي الزفرة و كبي ميتها بعدين ارجعي حطي عليها مي
ما بعرف شو الفايدة بس سويت زي ما حكتلي
بعد ما شلنا زفرة اللحمة و كبينا ميتها بنفرم بصلة فرم ناعم و بندبلها مع شوية زيت نباتي و بنضيف عليها اللحمة
بعدين بنحط عليها مي مغلية لتغطيها و بهارات حب (انا بحطهم جوا شغلة مو عارفة اسمها ) عشان اقدر اشيل البهارات بسهولة ،، اللي بتعرف شو إسمها يا ريت لو تحكيلي
بنحطها مع مية السلق + ورق غار + عود قرفة
بنتركهم يغلو و قبل ما تستوي اللحمة بنحط معلقة ملح و بنرجع بنسكر لتكمل استواها
و هلأ بنعمل خلطة اللبن
بنحط تلات علب زبادي + معلقة و نص كبيرة نشا + شوية ملح بالخلاط و بنخلطهم سوا منيح
بنحطهم بطنجرة و عالنار
لما يسخن شوي اللبن بندير عليه اللحمة مع المرقة ( لا تنسو تشيلو القرفة و الورق غار و البهار)
بنحركهم سوا ليتقل شوي اللبن (ازا لاحزتو ان اللبن جامد كتير ضيفو عليه مي سخنة و إزا كان مرق كتير ضيفو عليه نشا يعني حطو معلقة صغيرة نشا بشوية مي و ديروها عاللبن ، بس عادةً اطيب اللبن يكون شوي سائل لئنو حناكلو مع رز )
بس نخلص طبخ اللبن بنسكبو بصحون او زبدية كبيرة و بنزينو حسب الرغبة و يقدم مع رز ابيض بالشعيرية
إحنا بنتركها تفتر شوي يعني تروح سخونتها و بناكلها
و أسفة ازا كانت الصور مو واضحة لئني اضطريت اصور بموبايلي
تم بحمد الله
ان شاء الله تعجبكم
دعوااتكم
ماشاء الله تبارك الله رووووعة..
يسلمووووووو حبيبتي..
ويعطيك العافية...
ولكــ من مــــ90ــــشاعر كل الحب والـــود..