هيل حب .. قرفة .. ورق غار وقرنفل .. وبصلة مقطعة
خلال الفترة يلي اللحمة بتكون تغلي على النار
بنبلش نجهز اللبن ..
النوع يلي بتفضلوه .. نحنا هون بأمريكا غالبا بنستخدم الرايب ( الزبادي )
مع معلقتين كبار نشا.. والمي بتكون قد كمية اللبن يعني علبة اللبن اللي بنستخدمها برضه بنكيل فيها مي ..
بنخلط اللبن مع المي والنشا .. اما بسلك الخفق او على الخلاط العادي , وبنحطه على نار هااادية
وبنبلش نحركه بشكل دائري بنفس الاتجاه .. يعني اذا بديتي تحركي مع اتجاه عقارب الساعة متلا .. لا تحركي بالعكس ( لحتى ما يفرط )
هيك لحتى يغلي .. بتكون اللحمة ستوت .. بننقلها للبن و بتاخدي من مرقتها ازا حابة وبتضيفي فوق اللبن لحتى تعطي النكهة .. او لحتى تخففيه اذا تقل كتير ..و طبعا مع اضافة ماجي وبهارات
واخر شي بنقطع حبة توم صغيرة مع شوية سمنة على النار ورشة نعنع ناشف ..
وبس تسخن ويبلش لونها يصير دهبي بنضيفها فوق اللبن واللحمة
بنقدمها مع رز
وصحتين وهناا على قلوبكم
بس ياريت تقولى كمية اللبن اد اية بالظبط