Neema 11

Neema 11 @neema_11

عضوة جديدة

شاكه انه بيتزوج علي

الأسرة والمجتمع

صبايا انا رجلي مدري وش صابه فجاه صار ينام الخميس برا واذا مانام يجي متاخر مايمداه ينام يطلع الفجر لين الظهر ويرجع يطلع العصر انا تعبت نفسيتي زفت اقوله اجلس معي خل نطلع نتونس معصب 24 ساعه كل ماجيت اسولفله شي يضحك يقول تافهه للعلم الكل ينبسط من وجودي واذا جيت اسولف سالفه يحقرني ويقلل من قدري عجزت ارضيه والله العظيم كل شي ملبا له وصرت مااتكلم عالطلعات ولمن نام برا قال عقاب لك لاني كنت تعبانه وقلتله بس مومصدق يقول بادبك عشان ماتسوي زعلانه واذا طلع من بدري يقول مشاوير ومايعلمني وين والله انا لحالي ومحد يدري عني شي لو جلست اكثر بذا الحاله بيجيني اكتئاب كل اللي حولي ازواجهم ماشاءالله لاقوه الا بالله يسولفون وينكتون ويضحكون معهم والله العظيم تمر ايام مااشوف ضحكته انسان كئيب وممل الحياه عنده غريبه وموت نهايتها كل شي يقول مصيرنا نموت يحرجني مع اهلي يغلط عليهم ومايوجبهم لابمرض ولا بفرح وانا مااقصر مع اهله قولو وش الحل معه للعلم انقطعت عن كل الناس كل ماجوني صديقاتي ولاخواتي يجلس بالبيت ويطلع متاخر وكل شوي تعالي ابي وابي وزينيلي وذا طلع يرجع بدري ويهاوش ابي انام ويجلس يطلب هالحين الكل قاطعيني والله العظيم نعبانه وابوه شكيتله ماصار شي بالعكس زاد 
7
2K

يلزم عليك تسجيل الدخول أولًا لكتابة تعليق.

تسجيل دخول

ارجع يالحبيب
ارجع يالحبيب
ياحبيبتي وليه شايلتن الدنيا كلها على راستس ياروحي الرجال لبقى يعرس
مايغبي ولا يخاف من اكبر راس هذا شرع الله وانا اختس
بس اقولتس يمكن مشروع ولى سالفه شاغلتن باله ولايبي يعلمتس
تعالي له بسياسه يعني عامليه مثل البزر وقوليله ياحبيبي ترا حاستن بك
ضايق وتلوج ولا انت مرتاح هات همك لي اشيله عنك غديك ترتاح ياحبيبي

يعني من هالكلام وابعدي الشيطان عنتس وربي هذا انا اقولها ينه بعض الرجال يشلون جبال
من الهم ولا يطرون ابدا
ولاتفكرين معرس ولى مو معرس
اللي بالجدر يطلعه الملاس
وسعي صدرتس وارتاحي واخذي نفس عميق وروقي قولي ياربي لك الحمد
على كل حال واطلعي ونسي صدرتس وارمي الدنيا وهمها ورا ظهرتس
وربي الهموم الله يقلعها تاخذ من صحتها ولا ندري
وعسى ربي يهدي ويسخره لتس ويريح قلبيتس حبييبتي:27:
شموخ الوايلية
شموخ الوايلية
خليه يطلع دام جلسته مثل وجهه دوري شي يبسطك تابعيلك برنامج سوي رياضه ادخلي منتدى تعلمي شي يفيدك روحي لجيرانك واعزميهم
عبروش
عبروش
الله يصلحه ويهديه يارب ويسخره لك

آللّهُمَّ صّلِ وسَلّمْ عَلۓِ سَيّدنَآ مُحَمد ﷺ 
world,s_smile
world,s_smile
طنششي وعيشي لنفسك ولأوﻻدك
nazec
nazec
حبيبتي نادرا الحين الرجال اللي يجلسون ببيوتهم ويقابلون حريمهم وعيالهم من دوام لاستراحه لجمعه شباب
مايقعد بالبيت الا اذا نايم او ياكل ويطلع
الا من رحم ربي
خلاص اعتقن انفسكن منهم طنشيه من غير ماتقصرين معه عشان لايلقى عليك كلام
لبسه مغسول اكله جاهز
بس
اذا جلس بالبيت لاتجلسين تشحذين منه سولف وقل وطلعني لاتربطين سعادتك فيه
اسعدي نفسك بنفسك سوي لك حلى وتقهوي عليه
تابعي تي في وثقفي نفسك بمكياج بتسريحه بطبخ بلوك جديد
عشنا قبل عند اهلنا بدونهم
ليش الحين مانعيش بدونهم اللي مايجي من طيب خاطر منهم وش نبي فيه
حبي بيتك واستقلاليتك عن الناس مارسي هواياتك واعزمي صديقاتك وجاراتك
واطلعي معهن للمول لاتقولين له اطلع معي
معروف مايحبون الفرفره بالاسواق مثلنا
ولاتقارنين نفسك باحد ثاني تتعبين وماراح تستفيدين شي
وش يدريك ان الحريم مبسوطات مع رجالهن البيوت اسرار ياما شفت حريم مبسوطات ويضحكن ويكشخن وهن بهم مايعلم به الا الله
ابداي احفظي اجزاء من القرأن
ادخلي قروبات دينيه او صحيه تنفعك
سوي لك جدول تقضين يومك مع نفسك وتلبين رغباتك

واذا صار بالبيت انشغلي عنه ولاتقولين له اي شي واذا سال ردي بكلمه ورد غطاها بس
وتزيني لنفسك واكشخي وشوفي كيف يركض وراك
الرجال يحب المستقله عاطفيا عنه
يحب اللي تحب نفسها وماتهينها عنده وتصير مسكينه يحب القويه الواثقه من نفسها وتبسط نفسها بنفسها وماهي محتاجه احد

اسفه طولت بس والله يكسرن خاطري اللي يشكن من رجالهن راح عمرها وهي تركض وراه تبيه يعطيها وجه عيشن لانفسكن وريحن حالكن
ان اقبل هلا وغلا وان ادبر الله معه