شاكه اني حامل وعندي بنتين ورا بعض ؟وش اسوي محتاجه استشارتكم

السلام عليكم ورحمة الله وبركاته
حبيت استشيركم خواتي واطلب مساعدتكم في هالموضوع

انا الحمدلله الله رزقني بنتين ورا بعض وبينهم سنه و4شهور في حملي الاول كان حملي سهل والله يسر لي الحمدلله بس ولادتي كانت صعبه وطبيعي
ولكن حملي الثاني تعبت تعب مو طبيعي لدرجه مااقدر امشي من الثقل والم في ظهري قوي مره وتجيني دوخه احيانا من التعب صحيح ان الحمل ماكان لي رغبه فيه بس الحمدلله على كل حال اهم شي الصحه والعافيه
يكفي اني اشوف بناتي طيبين وسليمين الحمدلله

والحين عمر بنتي الثانيه 5 شهور وشاكه اني حامل مع اني استخدم حبوب مارفيلون بس الدكتوره قالت لي خفيفه ومنتظمه عليها ومانسيتها ولايوم بس اخرتها مره نص ساعه وكانت دورتي في اول الشهر 1/11 ولي 3 ايام احس باعراض حمل بس ماني متاكده بعد الدوره بكم يوم جاني وجع بظهري قلت يمكن اعراض التبويض وبعدها باسبوع جاني وجع ببطني يوم واحد بس والحين شاكه اني حامل بس ماتاكدت

طمنوني هل ممكن تصير اعراض طبيعيه مو حمل لاني تعبت بحملي الثاني وماني متقبله فكرة الحمل ابد مو عشان انهم بيصير مابينهم فرق عادي بس المشكله اني مااقدر تعبت بحملي مره

وبحثت بفتاوى يجوز اجهض الجنين اذا الام ماتستطيع
ولقيت للشيخ ابن عثيمين فتوى بالجواز قبل نفخ الروح

هل تؤيدوني بالاجهاض بالرغم ان معي عذري الله يعافيكم لاتتهجموا علي وتقولوا حرام انا بحثت وسالت
بس اخاف الله يعاقبني والاسقاط ياثر علي واتاخر بالحمل بعدين