شاكه ان زوجي يراقبني بكاميرا ! / استوفى الردود + الموضوع قديم

السلام عليكم


بنات انا بصراحه بديت اشك بزوجي انه حاط كاميرات مراقبه بالبيت من كذا موقف صار لي

1- اول مره راح للدوام كنت فرحانه صراحه لاني مااحب الرجال لاصق 24 ساعه فيني وكتبت موضوع قبل عن هالمشكله المهم حطيت الاب توب وقاعده اسمع اغاني وارقص مدري وش جاني

يوم رجع من الدوام غثني وش سويتي وش سويتي واقوله جلست على الاب توب وتفرجت على المواقع وكذا بس استمر بسؤاله وش سويتي بعد ؟ كأنه ينتظر اقول شئ
بعدين بعد اول هوشه بعد هالسالفه قال ادري اصلا انتي تفرحين اذا طلعت من البيت !!

2- مره جالسه بالصاله وشفت الا طلع شعر يديني القصير ورحت اجرب الة براون الي اشتريتها جديده قلت اجربها على الشعر القصير وجلست اشيل شعر يديني ورجليني
يوم رجع قال لي ابيك تشيلين شعر ظهري لانه يضايقني ورحت شلت له بالحلاوه وبعد ماخلصت قال شلون تتحملون هالالم ؟ قلت عادي قال متى اخر مره شلتي ؟!!!!!

3- اذا راح لبست قصير وحطيت زيت زيتون على ركبي واذا لبست عنده قصير احط كريم على رجولي علشان يتوحد اللون وماتبين الركب وصار يركز يقول لاتحطين كريم وشو الي تحطينه ليه رجولك لونها غير لون جسمك !!


4- دايم كل مانطلع يخليني اطلع قبله ويسوي نفسه ناسي شي ( تتكرر هالحركه دايم ) ويطلع مامعه شي وبعد مانرجع يقول لي بروح للبقاله ويجلس يطول بعدين يجي يقول مسكره البقاله او القيت الي ابيه وهذا الي يخليني اشك انه يروح يجيب الكاميرا لاني حسب ماشفت بالنت انه صغيره ماتنشاف
المهم مره قلت والله اوريك واول مادخل يدور شي رحت وراه ويوم شافني ارتبك ومسك المفاتيح بيده قال الحمدلله ادور المفاتيح وهي بيدي !!


شرايكم بنات هل المواقف هذي صدفه ولا شكي بمحله ؟

شلون اتأكد من هالسالفه خصوصا ان زوجي بطبيعة شخصيته يحب يتملكني مايبيني اكلم احد غيره ولا احب احد غيره حتى ابوي وامي ولا اضحك مع احد غيره ينهبل اذا كلمت اخواتي ولا اهلي وضحكت معاهم يعني مررررره يحب التملك ويحب يعرف كل شئ عني ومااستبعد عنه هالموضوع




نسيت اقولكم موقف مهم بعد انا البس عدسات وهو يعرف ومره وهو برا البيت رحت لبست نظارتي ( انا مااحب النظاره وقلت له اني مااحبها وهو مايدري اني جايبتها معي للبيت لاني مخبيتها ) المهم دايم اذا راح البسها واشيل العدسات علشان اريح عيوني شوي
مره قال لي البسي النظاره نفسي اشوف شكلك فيها !!
طيب اذا انا شكي مو بمحله هو مو عارف انها عندي بالبيت وش يخليه يطلب مني هالطلب !

توي تذكرت هالموقف وبغيت اكتب رد ماقدرت فـ عدلت على الموضوع