شاكه بالشغاله وماني عارفه ايش اسوي

بنات ابي اخد شوركم بشغاله اشتغلت عندي هي شغاله من الي يروحو ويجو بنفس الحاره ساكنه وصار انه يوم كان عندي عزيمة عشاء وكان عندي اهلي واهل زوجي ويومتها الشغاله هادي اتفقت معاها تشتغل عندي وكان اول يوم لها وبديت معايا من بعد المغرب ولما الساعه 11 روحت بيتها ويومتها شافتها سلفتي وكانت تعرفها لانه اهل سلفتي بنفس الحاره ساكنين وقالتلي انتبهي تراها سراقه وبعد ماروحت الشغاله بيتها الا يجي ولدي ويقولي امي فين جوالك في وحده اتصلت تقول انه جوالك لقيته بالشارع مع ولد صغير وقالها ولدي انا دحين اجيكي ولما دق عليها لقيه مقفل وماعد ردت عليه وانا لمن عرفت من ولدي انه في وحده دقت قلت اكيد بتكون هي الفت هادي القصه عشان نشيلها من راسنا بس بعدين قلت حرام لاظن فيها وخليها تشتغل ومارح افتحلها سيره ومارح اقطع رزقها وتاني يوم تجي تنظف المطبخ بس وماترضى تمسك البيت وتقول تعبانه قلت معاليش روحي وتالت يوم ماتجي واتصل تقول خليه اجازه واليوم الي هو رابع يوم تجي برضوه تنظف المطبخ والبيت ولا ترضى تكوي وتقول انا ماعد ابغ اشتغل عندك اقولها ليه تقول شغلك كتير :angry:وهي ماشتغلت داك الشغل فانا على طول اتاكدت انه هي الي اخدت الجوال وكانت تتلكك تبغ تخرج والحين انا ماني عارفه افتحلها سيره ولا لا :44: وايش اقولها بصراحه انا ماني زعلانه على الجوال بقد مانا زعلانه انها بتخرج بالطريقه دي من عندي واسيغفالها ليا :mad:ردودكم يابنات حوا مالي غناة عنها