يمكن ما فيه شي
بس عشان الوحدة ما تكلم بسرعة
وكثرة جلوسه عند التلفزيون سبب قد يؤدي إلى التوحد..
غيري نمط حياته..واجلسي معه..وتكلمي..وسمي له الأشياء باسمها..وشوفي بإذن الله كيف بيتحسن..ولكن هذا ما يمنع من زيارة الطبيب..الله يطمن قلبك عليه..

أهم شئ اذا هو يفهم ولا لا

الكلام مو مهم فيه اطفال يتأخرون بالكلام

باقي صغيييييير وإن شاء الله ما به إلا العافية ..

ماأدري صراحه ذاللي يحكمون ويقولون كل الأعراض بولدك وعنده توحد وش يحسون فيه بالضبط؟ حرام عليكم مايجوز ترويع المسلم الحين التوحد كل العلماء اجمعوا على انه من اصعب الأمراض تشخيص ومايشخصه الا مجموعه من الدكاتره من كذا تخصص وانتم بكل برود تشخصون وتحكمون؟؟ من جد شي يرفع الضغط..
حبيبتي انا عشت حالتك فتره لدرجة النوم مايطب عيني ووصلت لمرحله اني جزمت ان بنتي فيها توحد وصلت سنتين و8 شهور وماتكلمت اخذتها لأخصائيه في الحبيب قالتلي كل البلآ من التلفزيون والله خذفت كل القنوات وصرت العب معها واسولف واقرأ قصص وجبتلها كتب فيها صور في شهر واحد تغيرت بنتي 180 درجه صارت تتفاعل معنا وتفرح بجية ابوها من الدوام ويطلع منها كلام وتستجيب للنداء اول والله انادي عليها لما ينبح صوتي ولا حتى تلتفت متحنطه عند التلفزيون الحين الحمدلله
بعدين شي طبيعي ان ولدك يرفرف بيديه اذا فرح كل الأطفال كذا الله يخليه لك ويطمن قلبك عليه

وديه لدكتور ولو بعد الموعد مو مشكله او اسالي عن طبيب خاص ممتاز
لكن النت مايفيد في اشياء زي هذي خاصه انه طفل ...