شاكه في زوجها

والله يابنات اني وعدتها اكتب مشكلتها واجيب لها الاراء والنصايح والحلول فلا تخيبون املي....

مرحبا حبيبتي
انا باخذ الموضوع بصوره ايجابيه
اتوقع عاادي هاذي سوالف الرجال لانه يكون مايبي زوجته مثلا تشوف مسجات من ربعه تفشل
يعني حركات نص كم من الشباب
وممكن يكون خاف احد يدق بوقتها والجوال مع زوجته وكثيير رجال مايحبو يدق عليهم احد من ربعهم وتلفوناتهم ممع حريهم عشان كذا ساله متى تبينه وكذا ..
لاتوسوس بس وعموما الافضل دايما ان الزوجه تكون معوده زوجها عادي تفتح جواله قدامه ويكون في ثقه اكبر بينهم .
تمنياتي لها بالتوفيق

السلام عليك
شوفي اختي ..
انا مو متزوجه..بس بصراحه لو مكانها بستغل اقرب فرصه وهو غافل وافتح جواله ويكون مو قدامه
لاتنقلين لها ردي لاني مو متزوجه اولا ثانيا لانه بيزيد همها..
الله يهدي سرها ويطمن قلبها ويحميها وزوجها من شياطين الانس والجن

هي الي اعطت لمخيلتها مجال عشان تتخيل الاسوء والشي الي مو زين تحاول تنسى الموضوع

اسمحوا لي أنا أنا ابقول رأي وبكل صراحه ...

أنــا لست مع الأخوات باللي تقول تنسى الموضوع او نفترض نيه حسنه ..

يعني تخيلو الجوال كان في يدك تبي تتصلين في أمان الله ومالك نيه تسوين شي , جا هو واخذه من يدي وقام يطقطق فيه ما ادري وش يسوي !!!

غيييييييييييير كذا بعد إنه حاط يده على الجوال عشان ما أشوف شي

إلى متى نظل عبيطات ومستغفلات ونسكت على بلاويهم ومصايبهم

زوج هذي المرأه واحد من اثنتين .. أما هو يغازل بنات غير زوجته ويمسح الأرقام والرسائل , أو إنه يحتفظ بملفات قذره وتشيب الراس واللي انتشرت بين الشباب الله لا يعافي من نشرها ولا اللي صورها عليهم من الله ما يستحقون

وعلى فكره .. تقدر تمسك جواله وتروج للسجلات وتشوف الأرقام الغريبه اللي متصل منها والرسايل , اقصد بس الارقام وليس مضمون الرساله ..

كثرت مصايب الجوالات والغزل وافلام الدعاره , اللهم احفظنا وجنب ازواجنا رفقاء السوء

المفرووووض في وقتها وساعتها تكلمت معه وتناقشت هي وياه , مهب يوم مسح وعطاها الجوال

كان يوم مسك الجوال عطته ظهرها وقالت إلا مسحت اللي أنت خايفن منه تعال وعطني اياه