شاكه في زوجي يجيب بنات لبيتي

مساء الخير


حبيباتي انا شاكه في زوجي وشكي ماجا كذا لا زوجي مطلق واشك ان سوابقه في العلاقات والقذاره هي اللي خلت زوجته تطلب الطلاق ، المهم انا شفت في جواله محادثات شقق وعربده وسهر وبنات ليل وقله حيا ، هذا كله تاريخه قبل مايتزوجني بس كان متملك علي سكت وقلت مالي دخل في ماضيه ، حملت وجبت ولدي ويوم رجعت من نفاسي لقيت محادثات مع بنات مرقمهم في السوق وطبعا هاتك ياحلف ان اللي يراسل البنات مو هو هذا خويه قلت اوف خويك اربعه وعشرين ساعه معك لدرجه احيانا الساعه خمس الفجر لقيت محادثات وخويك ماخذ جوالك ولا نايم بجمبك !!! حتى وقت الدوام لقيت محادثات بعد قال ايه اصلا كان طول وقته معي وماخذ جوالي وسكت وصدقت ومشيتها ، والحين انا رايحه لمدينه اهلي ازورهم كم اسبوع وطبعا قبل مااروح قدرت اخذ الاي كلاود حقه ودخلت على تحديد المواقع ويوم الخميس هو متعود يروح للاستراحه لايمكن يتركها حتى امه جتنا نامت عندنا شهور وكان يروح للاستراحه يوم الخميس ولايتركها ويجلس معي انا وامه لا الاستراحه من تزوجته صار لي ثلاث سنوات وهي شي اساسي يوم الخميس ولا مره تركها ، المهم يوم الخميس قبل امس اناظر العصر الا متصل طول الوقت وهو عادته ينام قيلوله اذا جا من الدوام وقلت يابنت لاتشكين اصبري وشوفي وكان على الخريطه يروح لشارع كله محلات حلاويات اعرفه هالشارع بس بالتفصيل في اي محل مايطلع عندي وسكت وقلت بشوف اخرتها ايش والساعه ٧ المغرب راسلته واتس اسولف قال بتسبح وبروح للاستراحه بعد شوي قلت خير ان شاء الله ، وجت الساعه تسع وعشر وحدعش واثنعش في الليل وهو مازال في شقتنا وهذي اول مره يسويها يابنات امه كانت تقول ياوليدي اجلس معي وكان يعتذر انه خميس ولازم اروح ولا يوم ترك الاستراحه يوم الخميس و لو عازم ربعه كان قال لي مافيها شي كان قال بعزم العيال عندي في الشقه ليش يكذب علي ويقول بروح للاستراحه هذا دليل ان عنده بلا ، طبعا يوم جت الساعه ١٢ دقيت عليه فجاه ولارد دق دق لين فصل دقيقتين ورجع يدق علي طبعا قام من المجلس وغير مكانه عشان مااسمع الاصوات ولا ليش مارد علي من اول مادقيت وصوته مو على بعضه واااضح وضوح الشمس ان وحده من الثنتين ياانه مسوي سهره وجايب ربعه القذرين وبنات الليل او انه جايب وحده وهو وياها بس وهذا الارجح ، طبعا الحين مدري وش بسوي المشكله انه عندي ولد وانا حامل الحين في نص السادس وبيت اهلي ازعاج وابوي شاد شوي وعصبي وينزعج من ولدي وانا ماني موظفه وهذا الوصخ كارهته مدري وش اسوي يابنات لاتقولون لي سامحيه كل شي ولا الخيانه والعلاقات ....