شالحل مع ترجيع ولدي اللي عمره شهر ونص ؟!؟

انا ولدي كان كذا من خشمه وفمه يستفرغ نافورع وينكتم ورحت لدكتوره ممتازه قالت معاه ارتجاع المعده ضعيفه وماتقفل بعد للرضاعه واستهدمت حليب نوفالاك ضد الارتجاع فتره والحمدالله الحين احسن الله يخليلك ولدك

انا ولدي الحين بسم الله عليه عمره 3سنين من يوم انه مولود لان اليوم لازم كل يومين يستفررغ
يوم كان مولود يرجع باليوم مرتين والحين مايمر يومين الا يستفرغ وديته زمان قالو مافيه شي بس تشوفينه نحيف يعني الاكل الي ياكله ماايبني جسمه لانه يستفرغ

جزاكم الله خير الله يخفف عن ولدي ويخلي لكم عيالكم يارب

طيب حاولي تغيرين الحليب..يمكن معدته ماتتقبل اي نوع
,,الله يخليه لك ويشافيه

حبيبتي أنا كان ولدى كذا بس الحمد لله
شوفي ياقلبي ولدك يمكن عنده حساسية في المعده أو حساسية في صدره أو حساسية من الحليب ومشتقاته علشان كذا يرجع
لأنه كبير على حكاية المعده ما قفلت التي تصير غالباً عند المواليد
إذا أنت تأكلينه لبن أو خضار أو فواكه يجب عليك فرزها
مثلا : يوم أكليه لبن لوحده ولاحظي النتيجة إذا يستفرغ أو لا
اليوم الثاني أكليه بطاطس بس وكمان لاحظيه إذا يستفرغ أو لا
اليوم لثالث أكليه تفاحه وكمان لاحظي

أنا كان ولدي عنده حساسيه من الكوسة تخيلي
بس الحمد لله لما جربت الطريقة هذي عرفت مصدر الحساسية عند ولدي

غير كذا أستخدمي له حليب نوفلاك للإرتجاع مررررررررررررررررررررره ممتاز أستخدمية لغاية مايوقف الترجيع بعد كذا أبدأ أدمجي بين حليب نوفلاك للترجيع و حليب نوفلاك العادي
مثلا : ملعقة من نوفلاك للترجيع وملعقة من نوفلاك العادي لغاية ما تتعود معدته
وترى حليب نوفلاك ممتاز حيسمنه

و إذا ما نفع أستخدمي له حليب حساسية مشتقات الحليب بس إلا عنده حساسية حليب يصاحبه ظهور طفح جلدي

غير كذا حبيبتي سوي له حلبه ... كيف .. ؟
حطي 7 حبات حلبة لا تكثرين في كاسة موية صغيره وخليها تغلي شوية بس وحليها بسكر نبات و سوي فيها الحليب لأن الحلبة ممتازه تساعد على فتح الشهية و زيادة الوزن و تقوي المعدة وتسهل الهضم وتحسنه وهي مذكوره في الطب النبوي و أنا ما وصفتها لك إلا من تجربه لأن ولدى بهذلني وطلع عيني بس الحمد لله الأن


إذا ما نفع يا عزيزتي معناه المعده مقلوبة عند ولدك يبي له وحدة تمرخه(تمسده) عند طبيبة شعبية

بس هذا خليه آخر حاجة إذا ما نفع الطريقة السابقة

وفي النهاية أسئل الله العظيم رب العرش العظيم أن يشفيه