شالسبب اللي خلاهم ناجحين أكثر مننا وحياتهم افضل ؟

الأسرة والمجتمع







بسم الله الرحمن الرحيم

اشتقت لكم يا حوائيات مبطيه عنكم :26:

وبعددددد,,,,

هالموضوع دايم شاغل تفكيري ومحيرني ليش أول ايام جداتنا وامهاتنا كانت البيوت عمرانه بالخير والود وكانت علاقة الزوجين قويه ومتينه ولا تخلخلها لازوابع ولا مشاكل ؟ ونادراً يحدث طلاق ؟ ونادراً تحدث الخيانه ؟ حتى تعدد الزوجات كان قليل جداً مقارنةً بالعصر الحالي؟؟؟؟؟؟؟؟

بالرغم من أن أمي وأمك وجدتي وجدتك ماكانن يعرفن قمصان النوم ولا البيبي دول ولا نعومي ونكتار ولا كانن يعرفن كلام الرومانسيه والغزل ولو يقولها زوجها احبك ماتت من الحيا ولا الوحده منهن تبوس زوجها وهو طالع وهو داخل بالعكس تلقينها تستحي حتى تقعد جنبه ولا تعرف شموع وليله حمرا , ومع دلك كان للمرأه قيمه عند زوجها مهي بسيطه وكان صعب على الزوج التفريط فيها مهما صار بينهم من مشاكل ومهما كان حجم هالمشاكل ومهما كبرت , كانت تعود المياه لمجاريها بينهم بسرعه وكان ما يستغني عن وجودها بالبيت ويفتقدها وتدوم العشره بينهم 40 سنه واكثر وهم بنفس العلاقه الودوده الحانيه ,, وبالرغم من ان المراه اول ما كانت تشرط بيت لحالها بالعكس كانت تقعد مع اهله بغرفه ولا يشوف وجهها غير بالليل من كثر مهي لاهيه وتكرف له ولهله وما كانت تطلب شغاله او تطلب تسافر بس كانت مرتاااااااااااااااحه ونااااااااااجحه كزوجه وكأم وكان زوجها يتمسك فيها

مع انهن كانن غير متعلمات في مدارس.. ولن اقول كانن جاهلات لان الواقع اثبت ان هالجيل من البنات هن الجاهلات على قدر ما حصلن من تعليم ودراسه وشهادات ,,

اما اليوم الطلاق حدث ولا حرج ونسبته في ازدياد مخيف لدرجة انه من عائلتنا بس وفي فتره وجيزه تم طلاق اكثر من 6 حريم بعضهن توها عروس وبعضهن طلاق بعد عشرة 10 و8 سنين واولاد ؟؟؟؟؟ واحيانا يحدث الطلاق بسبب تافه ؟ تعبوا المشايخ وهم كل شوي يفتحون مكاتب لأصلاح دات البين وصاروا يفتحون مؤسسات لتدريب الشباب والبنات على التوعيه بحقوق بعض بعدر المشايخ خافواااا انرعبوا من نسب الطلاق العجيبه ومن اسبابه الاعجب لكن لا حياة لمن تنادي والطلاق كل يوم يزيد والرجال ماعاد هو طايق المرأه وبالقوه متحملها مع انها شايفه شغلها في الرومنسيات وقمصان النوم والليالي الحمرا ؟؟؟؟ ومع انها لازقه فيه 24 ساعه لدرجة انها ما تسمح لأهله يطلعون يتمشون معها ولو مره خايفة يضيعون عليها لحظة رومنسيه لكن تتفاجأ ان الرجل بالرغم كل اللي تسويه يبي الفكه منها عشان يرجع للعشيقات اللي ارقامهم ماليه جواله ؟؟؟ او بيرجع بسرعه عشان يلحق على اللي متزوجها مسيار بدون علم زوجته ؟؟ والا يمشي جنبها وعيونه وقلبه وعقله مع البنات اللي قدامه في السوق او المنتزه او البحر؟

شالسبب ؟ لا تحسبوني ابالغ زوروا قسم حياة اسريه سعيده وبتلقون 90% من العضوات يشتكن من خيانة ازواجهن ..



تعبت من الكتابه برجع اكمل واقول لكم تحليلي للاسباب يمكن يكون صح او غلط
31
4K

يلزم عليك تسجيل الدخول أولًا لكتابة تعليق.

تسجيل دخول

المملوحه 2009
المملوحه 2009
فعلا كلامك في الصميم
بس ترى حياتهم اول ماكان فيه تلفزيون ولا قنوات ولا اسواق ولا فتن مثل الحين يعني الرجل ما يشوف غير زوجته والحرمه ماتشوف الا زوحها
*ghala-h*
*ghala-h*
والله انك صاااادقه

بس جيل اول ماكان عندهم وسائل للخيانه او للتفكير بغير زوجاتهم
حريم اول كلللللهن يصونونن انفسهن
وحريم هالوقت نصهن ساترات والباقي الله يهديهن
وماكان عندهم جوالات
ولا انترنت
ولامسنجر
ولا تبرج
ولا
ولا
مافيه مجال يشوف غيرها ..


مدري وش اكتب

الله يهدي الجميع لما يحبه ويرضاه
رفة
رفة





من قال يا بنات ان اول الرجال مايشوف الا زوجته بالعكس كان يشوف اشكال والوان وعلى الطبيعه بعد وحتى اول كان فيه تبرج يعني اول البنات والحريم يطلعون من بيوتهم ولابسات العبايات الخفيفه القديمه والبراقع واللثايم وطاقات الكحل وكانو كل رجال الحاره يشوفونهم ويعرفون ان بنت فلان جميله وبنت فلان شينه بس ما كان عندهم خيانه وشفاحه مثل الحين
عروسة 8
عروسة 8
الحين حتى الرجال الملتزم تلقينه بعد 10 سنين يمل من زوجته ويصكها, بالثانيه والثالثه احس ناس هالزمن ربي غضبان عليهم حياتهم شقا ونكد ومشاكل مدري هل هو البعد عن الدين الصحيح والقيم الانسانيه والا وشو
الوفاء-
الوفاء-
فعلا لكن اظن السبب الرئيسي كثرة الفتن والبعد عن الله في زماننا يجب القرب من الله اكثررر مع ها الفتن

زمان اول صح كان دينهم ممكن يكون عادي بس مافيه فتن