رديت عليكي عالخاص وحكتب الرد هنا كمان عشان افيد اي وحدة حابة تغير جو في شاليهات


بصراحة بالنسبة لشاليه مافيه مسخرة وبنات او بمعنى اصح كل واحد في حالة

ماعندك غير النورس ولو انه مو قد سمعته الاثاث تهالك كثير عن اول وسعره ثابت واحيانا يزيد فخشي موقع بوكينق وشوفي الاسعار حالياً
لكن بالنسبة للمساج والدلع مو موجود ولا بشاليه الا في منتجع حياة بارك وانا ماسرت اروح منتجع غيره صراحة كل الناس اللي فيه من الطبقة المخملية فمافي احد يقل ادبو وجدا مؤدبين ودايما يكون فيه بريطانيات وايطاليات ويلبسو العباية احترام للبلد لانهم مثقفين وواعيين ويحترمو المكان اللي هم فيه ، وماتسمعي صوت كانك لحالك عايشة في المنتجع كله ، صح تدفعي فلوس فيه لكن مو خسارة فيه ابداً وعلى فكرة سعره ارخص من النورس
النورس دحين سعره حول 3000 لفيلا كبيرة بارك حياة غرفة مع صالة صغيرة مفتوحة على بعض اخر مرا رحت كانت بـ 1050 ريال ولو مع اولادك ممكن تحتاجو غرفتين مفتوحة على بعض فحتكلفكم 2000 ريال الا ادا الاسعار اتغيرت

عندهم ايفانيا سبا ، مساج بكل الانواع وماسكات للوجه والجسم مثل ماسك الكافيار ماسك الطحالب البحرية ماسك الذهب الخ.. ، وسباحة في المياه المعدنية العلاجية وكمان نفس الشي موجود للرجال يعني نادي متكامل للرجال سباحة والعاب اللي هي قولف وتنس الخ.. ، المهم ايفانيا سبا النسائي والسبا الرجالي حسابه لوحده يعني لو بتسوي مساج تقريبا 200 وكل نوع يختلف عن الثاني ، بس ماسك الكافيار سعره 950 ريال وثابت من وقت افتتاح المنتجع

وبالنسبة للرجال مااعرف صراحة للاسعار بس انه المساج من 150 ريال لـ 500

والسباحة مجانية طبعاً والالعاب مجانية بس المساج و الماسكات مو ضمن سعر السويت ، والمطاعم فيه كثير فيه النافورة هذا مطل على النافورة وفيه مطاعم يفتتحوها في الويك اند اللي هي مفتوحة على الشاطئ بس مو دايما يعملوها على حسب ، وفيه كوفيهات وفيه جلسات على البحر وجلسات في الحديقة و جلسات حول النافورة تبع الفندق ، وفيه ممشى خاص للفندق بس كل اللي زكرتو خاص بالفندق مرررررا حلو ونظيف وخدمة 10 من 10

وبرايي لو بتروحو تحجزو غرفة مطلة على الحديقة مو البحر لانه البحر بصراحة ممل بالنسبة لي عكس الحديقة احيانا يكون فيها بارتي وتشوفي الطيور والشجر + جزء من البحر لكن اللي على البحر ماقدامك غير بحر وملل

السعر نفسه مافي فرق بين مطلة او لا

والاثاث جديد ومودرن + الارضية سيراميك مو فرش + لو تبغو يعملو لكم بارتي انتي وزوجك كلميهم يعملوه فري بدون اجر عليه يجيبو لكم كيكة وشامبانيا سعودي ويرتبو السويت ويحطو ورود وكذا

اي سؤال ثاني انا حاضرة ، حتى لو تبغي صور

ملاحظة / بايام المدارس لازم تحجزي قبلها باسبوع او اسبوعين الا اذا في نص الاسبوع تتصلي قبلها بيومين عادي ، واما الاجازات فقبلها بشهر او شهر ونص وطبعا لو غيرتو رايكم وبطلتو من الروحة تكلموهم قبل 24 ساعة تستردو المبلغ اما اذا مااعطيتوهم خبر قبل 24 ساعة مايرجعو المبلغ ، في حال الحجز تدفعي سعر ليلة كاملة ويعطوكي رقم لحجزك وتتصلي عليهم قبل ماتروحي بكم ساعة عشان يجهزو السويت لانو احيانا الاستلام يكون 5 العصر مو مثل المنتجعات والفنادق الثانية الساعة 2

رحلة سعيدة

الصراحه سوي جوك في بيتك احسن الشاليهات مو مضمونه لان صارت كلهااا مسخرة وقلة ادب ومافي حيااا راح تنزعجي من المناظر هناك التبرج وكشف والبنات الله يستر عليهم بدون عبايات وصوت الاغاني شغال على طول

اخرجوا اتمشوا على البحر واتعشوا في مطعم وبعدين انبسطي مع ابو العيال في بيتكم وتقدري تاخذي راحتك انتي وابو العيال
وبدل ماتخسري 1500 او اكثر وما تنبسطي حرام اشتري العاب للعيال مشيهم وعشيهم واشتري لهم شىء يستفيدوا منوا ..


وسلمتي ياقلبي ...