شال يده من جاني فلوس

السلام عليكم ورحمة الله وبركاته
انا قبل زوجي يعطيني فلوس مايقصر مو شي كثير بس اذا احتجت مايقصر خصصلي شهريا الف ريال وعندي 4 اطفال والحمدالله لكن ماله دخل في ملابسي مكياجي اعياد زواجات ماله دخل يقول دبري نفسك من 1000﷼ او اجمعي او ادخلي جمعيه انا فوق ال الالف ما اعطيك ولا ريال
طبعا زوجي لو يجيه مليون ريال او يكون فقط على راتبه،، الالف اللي يعطيني اياها نفسها ماتتغير
تجيه مكافئات علاوات مالي منها نصيب فقط اللي لي ذا الالف اللي كل شهر يعني هو شوزات غاليه عطورات غاليه يدلع نفسه من اغلى شي لكن انا ماله دخل فيني دبري نفسك في ذا الالف وبحكم اني بسيطه مايهمني اشتري من سيتي ماكس وعطوري اروح شارع السويلم اشتري تقليد ومشيه اموري الحد ماجتني فلوس ياربي لك الحمد وعوضني الله وشريت ذهب بدال اللي بعته والباقي بالبنك مخصصه لي مدخول شهري 2500﷼ عشت ملكة صراحه لكن الان ماش جتني ضيقه قلت
راح تنبسطين سنه سنتين وبكرا تفلسين
لان زوجي قطع الالف اللي كان ممشيها لي وصار يقلل مصروف الاطفال للعيد او كسوة صيف وشتاء قبل كان يعطيني لهم الفين ريال الان صار يعطيني الف فقط للملابس ويقول دبري نفسك واذا احتجين وقلت مايكفي قال اجل مايحتاج مو لازم لاتشترين لهم انا اجيب لهم من الهرم
فاضطر اخذ منه واللي ينقص ازيد من عندي
الان ودي يرجع نفس اول الرجال هو من اصله شديد وماسك لكن الان احس صار اشد
وقاهرني مررره البطره واللعب بالفلوس داخل جمعيه ياخذون منه 5 الالف بالشهر وجته 90 الف ماشفنا منها ريال وانا اول ماجتني الفلوس ماقصرت معاه ولا مع اطفالي
ودي يتغير ليش ذا الشده وش سببها ليش ماسك معنا خصوصا انا زوجته رغم انه راتبه ممتاز عالي جدا غير الفلوس اللي بابنك مجمعها ووضعه ممتاز الناس تتسلف منه من زود بطرته
ليش هذي الشده وش سببها من قبل ماتجيني الفلوس وبعد ماجتني الفلوس صار معاي اشد ما اشوف منه ريال واحد وش السبب ؟؟
طبعا زوجي مايحب اشتري الاطفالي اشياء كماليه بالعكس يزعل ويقول لا تفسفسين فلوسك على جهاز ايباد تشترينه البنتك او مثال اشتريلها عطر غالي نفسها فيه يقول اشتري من اللي اعطيك 
لكن بنفس الوقت عطاياه وصرفه مره قليل غصب ازيد من عندي رغم انه عنده خير