بنات...صارلي أستخدم الشامبو تقريباً شهرين, بالنسبه لي , اللي حسيته, إن الفرق بينه و بين الشامبوهات الثانيه اللي إستخدمتهه, إن هو شامبو علاجي أكثر من تجميلي, يعني تحسينه ينظف فروة الراس عدل , ويسحب كل الزيوت الزايده, ويعطيه لمعه وايد حلوه, خاصه اللي شعرهه أسود بتلاحظ اللمعه.. وبعدين مع الشامبوهات الثانيه, كنت أشوف شعري معطر كثير فيه تساقط, بس يوم إستخدمت الشامبو هذا, قل التساقط كثير, ما شاء الله..تبارك الرحمن, شعري بعد طولان, وصاير أغلظ من قبل, بس ,, بنات.... أنا عامله كورس لشعري, من زيوت , وماسكات , وحنه....ما أقدر أجزم إن الطول و الغلظ صار من الشامبو....يمكن لأن فروة الشعر تكون نظيفة, فتستقبل الزيوت و الماسكات بشكل أفضل, وهذا اللي ساعد....

وبعدين , في شي ثاني....لاحظت إن الشامبو يخشن الشعر, وكأنه يشمع الشعره في بداية إستخدامي له, لين تعودت على هذا االملمس...

سوري إني طولتهه عليكن.... بس حبيت أنقل لكم تجربتي مع الشامبو.....

اخيرا شريت وبجربه ان شاء الله

السلام عليكم ورحمة الله وبركاته

وانا ايضا اخيرااااااااااااااااا وجدته

راح اجربه وأبلغكم بالنتائج

اختي تقصدين محل الفلبينيات الي جريب من محل فودافون؟؟ لاني ماذكر شي محل فلبينيات يم بتلكو!!
ياريت تردين علي عشان اروح اشوف

هاي بنات...
شوق البحرين, محل الفلبينيات اللي في مجمع ميدنة عيسى مجابل السرور, هذيله يبيعونه...

بس يوم الأربعاء يوم رحت عندهم ,قالت لي الفلبينيه إن الشامبو مخلص و عندهم بس الcondetioner (الكوندشينر). والشامبو بيجيبونه بعد شهر,ويبيعونه ب 8 دينار..والغرشه حجمهه حجم الشامبوهات العاديه.

بس أنا إختي شاريه الشامبو والكوندشنر من قرابة ال3 شهور من محل في القضيبيه, وحجم الغرشه تقريباً حجم الفلاش مال غسال الأرضيات , عرفتيه؟؟!! وشاريته ب 10 دينار.

يوم قلت للفلبينيه اللي في المدينه, قالت لي إن الكبير تقليد واللي عندهم الأصلي!!! والشامبو ما يجي إلا بالحجم الصغير اللي هم يبيعونه ومايصير الحجم كبير!! كل من يبي يمشي بضاعته..

شوفي حبيبتي, اللي شريته وااااااااااايد زين ولله الحمد, مع العلم إن بأمريكا ينباع بعد بالجالون( يعني حجم الكلوركس). فحجي الفلبينيه ما دخل راسي.

وسلامتج...