شامبو ميتال في ابوظبي

السلام عليكم و رحمة الله و بركاته..
اخيرا لقيت شامبو ميتال اللي كل الناس تتكلم عنه..و اللي يطول الشعر بسرعة صاروخية.. لكن صدق دخت السبع دوخات عليه:32: .. اول شي رحت على وصف البنات اللي في المنتدى.. الله يهديهن لا طلع المحل في شارع السلام ولا شي!! و بعدين مافي شي اسمه صيدلية السلام في بوظبي بكبرها!! مب حرام عليهن؟؟:06: يا خواتي يوم ما تعرفن الشي لا تتكلمن عنه .. بتوفرن علينا بترولنا ووقتنا...:(

المهم.. اكيد في بنات بيموتون الحين علشان يعرفون وين يبيعونه.. وانا ما بسوي مثل بعض البنات ..:42:
المحل صغير و في منطقة النادي السياحي.. بجانب فندق سباْ.. الحين بتقولون وين هالفندق.. ؟؟
اولا روحي صوب كافيه 6 ديكريز اللي في النادي السياحي.. سوي عمرج بتينه من الخلف.. و لكن يوم بتلفين من الاشارة.. لا اتدشين اول فتحة.. لا روحي الفتحة اللي توديج بين البنايات.. بتشوفين يافطة الفندق بالبنفسجي.. كملي سيده و خليه على يمينج.. بعدها بتشوفين المحل على يمينج..
اسم المحل.. البوادر للمواد الغذائية .. والشامبو ب 9 دراهم بس!!!
و فعلا مكتوب عليه انه يحتوي على اعشاب تغذي فروة الراس و تطول الشعر بسرعة..
اتمنى انكن ما تنسني في دعاكن.. و ادعولى بحياة زوجية سعيدة.. و بالذرية الصالحة..

السلام عليكم.. :27: