السلام عليكم ورحمة الله وبركاته
كيفكم حبيباتي ان شاء الله بخير
من البدايه كذا لأني مااعرف بالمقدمات
امس جالسه ادور بالنت بلسم منزلي لأن شعري تعبان وتعبت من الزيوت لأن السنه اللي فاتت كنت استخدم خلطة زيت روعه كلمة روعه قليله عليها حتى صديقتي يوم شافت التحسن اللي صار لشعري ماشاء الله قالتلي سويها لي وسويتها وصرت انا واختى وصديقتي نستخدمها من اول استخدام بان مفعولها شوي انا جلست استخدمها اكثر من 5 شهور تقريبا وماشاء الله زان شعري ولما خلصت الكميه مارجعت اسويه صارت لي ظروف ولما سويته مره ثانيه مااستفدت مدري ليه ؟؟؟
معليش طولت عليكم نرجع لموضوعنا وامس لقيت شامبو وبلسم منزلي الصراحه حلووووووو وقلت دامه حلو لازم انزله لحبيباتي بالمنتدى
الأحتياجات :
خمريه للشعر
بخوووووووووووور
لأنك بعد ماتستخدمينهم لازم لازم تبخرين شعرك وتعطرينه
مقادير الشامبو:
زيت زيتون تقريبا ربع كاس او نص كاس
بيضه وحده
1ملعقه كبيره عصير ليمون (انا ماكان عندي ليمون بس شفت وحده معصوره بدرج الثلاجه قلت خلوني اعصر فيها :42: لما يطلع شي وما طلع الا كم نقطه :()
1ملعقه صغيره خل التفاح
تخلطينها بالخلاط زين مازين لما تصير زي الكريم
وتحطينها بدال الشامبو وتفركين شعرك كأنك حاطه شامبو طبعا مافيه رغوه بس لازم تفركينه زي الشامبو عشان حتى الجذور يوصلها
تستخدمينه مره وحده يعني مايصير تحتفظين بالباقي
مقادير البلسم:
1 صفار بيضه
ملعقه زيت زيتون
ثلاث ارباع كوب ماء فاتر
تضربين البيض لما يتغير لونه بعد كذا تضيفين الزيت بالتدريج
وبعدها تصبين المويه بالتدريج وتحركينهم لما تصير فوقها رغوه
وتصبينها كلها على شعرك بعد الشامبو المنزلي
وغسلي شعرك منه عادي زي لما تغسلين من البلسم بس خليه على شعرك 3 دقايق
وتعالي شوفي كيف الليونه بشعرك
انا شعري مو ناعم يعني زي شعر ميريام فارس كشه:icon31:
وحسيته صار رطب ولين
طبعا طول ماانا اسوي الخلطه اقول شكلي بعد مااستخدمهم برجع اتروش مره ثانيه اكيد بلقى شعري مزيت
بس بالعكس ولله الحمد النتيجه مرضيه
انصحكم تجربونها وتقولولي
استودعكم الله
يلزم عليك تسجيل الدخول أولًا لكتابة تعليق.
قمر مول
•
رفع
الصفحة الأخيرة