شاهي الاحمر

الشاي ماله مقياس ثابت لانه يختلف حسب النوع اللي تستخدمينه

جربي كذا نوع الى ان توصلين للنوع اللي يعجبك وانا لاحظت في فرق بالطعم واللون مثلاً بين شاي الربيع وليبتون وريد ليبل بروك بوند .. الربيع قوي وله نكهه مختلفه ، بروك بوند مذاقه كويس ولونه وسط ، ليبتون احسه خفيف

في بيتنا نستخدم شاي ريد ليبل بروك بوند تلقين منه اكياس مغلفه للتغميس وثاني حبيبات بالعلبه

ومثل ماقلت ريد ليبل مذاقه ممتاز ولونه احمر غامق ونستخدمه بدون طبخ على النار مجرد مويه مغليه ومعها الشاي

لتر المويه المغليه بالترمس نحط عليه 2 من اكياس الشاي او ملعقه كبيره من شاي الحبيبات وبس اتركيه 5 دقايق ويطلع مضبوط

وان حبيتيه اثقل زيدي مغلف من الاكياس او نص ملعقه من الحبيبات

واذا انتي من النوع اللي لازم تغلين الشاي على النار لا تتركينه فتره طويله يادوب دقيقتين ياخذ غلوه وقفلي النار

لان طبخ الشاي يطلع كل خواصه ولونه ويصير ثقيل مره ولونه اسود وفيه مراره

ما احب اغلي اوراق الشاي ابداً


اغلي الموية و السكر فقط
ثم احط اكياس الشاي و اطفي فوراً
اتركها حوالي ٥ دقايق ثم اشيلها






و لك احلى شاي احمر ♥️