شاهي الذويقات والمبدعات **** شاركينا بوصفة شاي من ذوقك

انا بعطيكم وصفه شاي الكرك :27:


الوصفه لكوبين شاي فقط

تحطي ثلاث اكواب ماي في وعاء وترفعينه على النار
تضيفين اربع الى خمس ملاعق سكر او على حسب الرغبة ( لأن ثقل الشاي راح يمتص السكر)

وتخلينه يغلي على النار المتوسطة خمس دقايق
تحسين ان الشاي نزل مستواه مب احترق كلش
تسكرين النار وتضيفين الهيل مع التحريك... وتصبين في قاع كوبين الشاي للتقديم حليب مركز وتصبين عليهم الشاي بالمشخال ويقدم


وهذا سر شاي الكرك اللي يموتون فيه هل قطر ويقال انه جا من الهنود


أنا احب اضيف نكهة المسمار( القرنفل ) الى الشاي بدل الهيل فقط ...

وفي طريقة ثانية
هي نفس المقادير اللي فوق بس انج تضيفين الحليب المركز الى الشاي قبل ما تسكرينه وتخلينه يغلي مع الحليب لمدة دقيقتين وتشخلينه ويقدم :27:

وخلطة أختي أم سلمان :27:

حبة قرنفل
ورقتين مرمية
ماء ورد
حبة هيل
حبة قرفة

تحطينهم كلهم في قاع الدلة وتصبين عليهم الماء الحار بالسكر وتخلينه عشر دقايق مع اللبتون يخدر شوي وبس :27:

ونا امووووت في شاي ايرلنغ المعطر أو شاي تويننغ للعصر مع ماء حار وسكر فقط :27:

وهذي وصفة حلوة تجنن من وصفات أهل المدينة

شاي تلقيمة + نقاط ماء ورد


منعش ورااائع

فيه بعد شاي+ماء اللقاح

الله يعطيكم العااااااافيه يا بنات حواء