شاهي بسبع مكونات نظفي فيه رحمك وقت الدوره والنفاس

السلام عليكم ورحمة الله وبركاته

حياكم الله يالغاليات
اللي حامل الله يهون عليها
واللي والدة الحمدلله على سلامتها
واللي متأخرة بالإنجاب الله يرزقها بالذرية ويفرح نظرتها ياحي ياقيوم

بنات ابقول لكم سالفتي ...
انا اضطريت اني اولد بعيد عن اهلي ولا رحت لهم الا بعد 20 يوم من النفاس
طبعا وانا حالتي يرثى لها غربه ونفاس في غربة يعني كنت في ايام مايعلم بها الا الله

طبعا لا اعرف ادوية نفاس ولاشي مامعي غير حلبة ورشاد فقط
من جد تعبت و زيادة على كذا الجوع ذبحني لأني مااقدر اخدم نفسي ولا افيه احد يخدمني

المهم اسبوع وزيادة شوي الدم بدى يوقف و تنزل الحركات الثانية صفار و خرابيط وافرازات ملونه يوم رجعت لأهلي بدت تصلح لي زوجة اخوي حبيبة قلبي الشاهي هذا :

كزبرة حب
شوي زعفران
مسمار ( قرنفل )حب
فلفل اسود حب
اعواد قرفة
زنجبيل مبشور
كمون حب

طبعا يؤخذ من كل شي شوي تقريبا من كل شي ملعقه كبيره الا القرنفل والزنجبيل يؤخذ ملعقة صغيرة
على 2 كاس ماء

اغلي الماء مسبقا واذا بدا يغلي حطي المكونات عليه و خليها تغلي تقريبا دقيقتين ثم طفي عليها
واشربيها دافيه

اذا كنتي في برنامج نفاسك تستخدمين الفلفل الاسود بكثرة استغني عنه هنا

فعلا يابنات هذا الشاهي ينظف رحمك بشكل ممتاز ان شاءالله لكن ماراح تلاحظين الدم ينزل بكمية اكبر
الا بعد شرب الشاهي بيومين هذا اللي لاحظته انا

لأن زوجة اخوي قالت لي تراه ممتاز وينظف لكن بعد ماشربته اليوم الاول قلت لها ماعندك سالفه
ثاني يوم لا حظت الدم بدى ينزل مع اني زي ماقلت لكم الدم وقف له فترة في نفاسي لكن بكميات بسيطة

اما في فترة الدورة نسيت استخدمه وصارت ايام الدورة عندي 9 ايام تعبت
بعدها احس الرحم مضغوط شوي كأن الدوره بتنزل

وفي الدورة اللي بعدها استخدمته والحمدلله صارت 6 ايام ولله الحمد
يعني لا تخلينه في نفاسك ولا اوقات الدورة عسى الله ينفعكم فيه يارب


:)


( بنات شوفوا الصفحه رقم 3 )