كيفكم حبايبي>>>>>>>>> ان شاء الله طيبين
والله اليوم تعبت في هالشغل بس النتيجة 10 /10 >>>>>>>>>>
شاورما تنسيكم شغل المطاعم وحوستهم بصراحه واتمنى تطبقونها لان كل من خذ هالطريقة اعجبته ومشى عليها
نبدا بالمقادير بدال الهذر الزايد
صدور دجاج مقطعه مكعبات صغيره
3بصلات صغيرة و2حبة ثوم
يحمس البصل والثوم مع زيت الزيتون لمدة دقيقتين ثم يضاف الدجاج ونقلبه الى ان تنشف مويته بعدين نضيف علبة زبادي نصف فنجال قهوة خل وملح وكمون وفلفل وتقلب الى ان ينشف الدجاج ويبدا يتحمر
نروح نعمل عجينة الخبز العربي وهي قريبة من الماك ومقاديرها كالتالي
كاس ونصف موية
ملعقة كبيرة خميره
ذرة ملح
ملعقة سكر
تخلط مع بعض ثم يضاف لها
4ملاعق حليب بودرة
بيضة
2ملعقة كبيرة زيت
ويحرك ثم يضاف له3ونصف كاس دقيق وانا افضل اخلط معه دقيق بر لانه يعطيه لذه بس هالمره ماعندي فخليته كله ابيض وهاذي العجينة بعد ماسويتها
تترك ترتاح10 دقايق ثم تكور كور صغيرة في صينية مدهونة بالزيت والعجينة يفضل ماتكون قاسية تكون لينه شوي
نجيب صينية كبيرة مدهونه بالزيت وتفردين عليها العجينة وانا اسويها بيدي بدون الحاجة للفراده وتكون خفيفة بحيث يبين ماتحتها وتشيلينها بيديكي بكل خفه وتضعينها على التاوة
بعد ماتخلصين منها ضعيه في قدر مغطى اوصينيه بغطى عشان ماتنشف
نجهز خلطه عباره عن كاتشب ومايونيز وخردل تخلط مع بعض على حسب ماتحبين
نجيب الخبز وندهنه بالخلطه ثم نضيف الدجاج والبطاط المقلية والخس والبقدونس والمخلل ونلفها
وهذا بعد مانتهيت منها مع زبدية شوربه بيضاء لاول وحده ترد
وبالهناء والعافية
اتمنى ان تحوز على اعجابكم