اليوم راح يكون موضوعي عن
الشاورما ..
اسويها بالبيت بطريقه جدا حلوه
لذيذه .. سهله .. والاهم نظيفه
طبعا مافي انظف من اكل البيت ..
هالشاورما معتمدتها بالبيت من اول ودايم اسويها
داايم يطلبوها مني .
المقادير والطريقه مع بعض ..
صدور دجاج مقطعه بالطول او مربعات صغيره
متبله بالاتي :
زبادي (لكل صحن فيليه علبه زبادي)
فصوص ثوم مدقوق + ملح + فلفل اسود +بابريكا +بهارات +عصير ليمون+
خل
خليها تتبل بالثلاجه مو اقل من ساعه او ممكن تتبليها بالصباح
وتسويها بالليل عالعشاء .
المهم نجي نسوي عجينه الخبز
انا عجينتي عاديه وممكن تستخدمي عجينه العشر دقايق
انا عجيبني كالتالي
4 كاسات دقيق +فنجان زيت +3 م ص خميره +رشه ملح + رشه سكر +2 ملعقه حليب + وتعجن
بماء دافي .... انا اضفت عليها شوي حبه سوداء
او انتي اختاري العجينه اللي تناسبك
تقسم العجينه الى كور وخليها الين تخمر ..
ولاتنسي ترشي عالسطح دقيق وغطي العجينه ..بالصوره بعد ما تخمرت
الحين تفردي العجينه بشكل دائري على سطح مرشوش دقيق
ولاتنسي جتى النشابه حطي فيها دقيق عشان ماتلصق العجينه فيها
المفروض تكون دائريه افضل من كذا بس اكره الفرد:44:
وتخبزيها على صاج يكون ساخن ومدهون بشوي زيت ..
وقلبيه من الجهتين ..
ووكل ماخلصتي من خبزة غطيها بكيس .. عشان لا تيبس
المعذره ما صورتها ..
نجي للدجاج ..
تاخذي الدجاج زي ماهو وتحطيه في مقلاه او قدر مناسب يكون فيه شوي زيت
تاااابعوني ..
مع تغطية القدر بين فتره وفتره
راح تشوفي ان موية الدجاج كثيره
بس لا تقلقي عاادي مع الطبخخ راح تنشف وتصير زي كذا
انا هنا اضفت ماجي .. ملعقه بهارات وشوية ملح
لما ينشف الدجاج ويكون نااااضج
خذي زبديه فيها بصل و زيت
وولعي فحمه وحطيها على الزيت واكتمي القدر
عشان ياخذ طعم الشواء ..
نجهز الحشوه
بطاطس مقلي + خيار مخلل+ طماطم وخس للي يحبوه
وهالصوص
3 م طحينيه سائله +3 ملاعق مايونيز +عصير ليمون << لذيذ لا يفوتكم
واحشي الخبز اللي سويته
اول شىء امسحيه بهالصوص واضيفي البطاطس واي اضافات انتي تحبيها
ولفيها ..
اذا ماكنتي راح تاكليها ع طول فالافضل انك تفليها بقصدير وخليها
ووقت ماتحبي تاكليها بس ولعي عليها الفرن وهي بالقصدير من فوق وهي راح تسخن
اصلا لما تلفي الخبز وهو حار بالقصدير ع طول راح يمسك اللفه
ويطلع مرررره شكله حلو ..
انا كذا كنت اسوي بس الحين اشتريت شوايه
وصرت استخدمها
وهذي الصوره
وبس
لا تفوتكم يا بنات صدقوني راح تنسو شاورما المطاعم
اللي تعجبها تدعي لي
ان الله يخلي لي اهلي ويحفظهم لي
طباخة بيتنا