شاورما دجاج لذيذه من عمايل يديه

والله سويتها هالاسبوع مرتين وأهل بيتي ميتين من حلاة طعمها وتراها سهله وايد
مقاديرها :
صدور دجاج تقطعينها قطع صغيره
بصل أخضر تقطعينه صغير
بقدونس بعد تقطعينه صغير
ملعقة صغيره ثوم مهروس
شوية طحينيه
مكعب ماجي +شوية ملح
شرايح مخلل خيار + بطاطا مربعات تكون مقلية+ عصير ليمونه كبيره
وأهم شي الزيت زيتون تقريبا فنجانين
وألحين الطريقة :
أول شي تطبخين قطع الدجاج لين تستوي وبعدين تصفينها من الماي و أتحطينها على جنب واتحمسين البصل الأخضر والثوم في الزيت الزيتون وتضيفين عليه مكعب ماجي ثم قطع الدجاج وتحمرينا عدل لين تصير تفتت وتضيفين شوية كمون و فلفل أسود والملح وعصير الليمون وتحمسينها عدل وتشوفيها صارت ناعمه وناشفه وريحتها تهبل وبعدين أطفي النار وحطي عليها البقدونس والطحينية لاتكثري منها والبطاطا ولوحبيتي حطي عليها الثوم مال المطاعم اللي نفس الكريمه وتحشينها في خبز خاص بالشاورما الصغير الخفيف يسمونه خبزشورما في المخابز وتحطين الخيار المخلل وتراها يطلع طعمها وايد حلو بالثوم الكريمه ولما تطبخين قطع الدجاج لاتنسين تحطين حبتين مسمار وحبتين هيل عشان الزفاره وبالهناوالعافية ولاتنسوني من خالص دعائكم ...........