انا طبعي ماحب الفطاير الي بالفرن
اشتغلت السنه الي فاتت على الصاج وكانت النتايج روعه
وهالسنه جاني خبازه هديه قلت اجربها واوريكم النتيجه (تلقونها بمحلات المواعين والبلاستيك)
اولا العجينه.. استعملي اي عجينة فطاير وخليها ترتاح وكوريها واتركيها ترتاح شوي
الحشوه
صدور دجاج مقطعه صغار حطيت عليها مايونيز وليمون وثوم وخليتها نصف ساعه تقريبا
قلبتها على النار لحد ما استوت بدون اي اضافات ثانيه
بعد ما استوت شلتها عن النار
اضفت لها بصل (مكشن) يعني محمر وملعقة جبن سايل وملعقة مايونيز وقلبتها
هالحين الطريقه بالصور
صور كور العجين قبل يجيهن امر ربي
نفرد العجينه خفيفه ونحط الحشو بجهه ونقفل عليه بالجهه الثانيه
هذي صورة الخبازه وسعرها مايوصل 100 ريال
نحط الشاورما على الشبك ونقلب عليها الغطا (الي هو الشوايه) واذا استوت نقلبها على الوجه الثاني
مدة الطبخ اقل من دقيقه
هذا شكلهم قبل الهجوووم العائلي
وعليكم بالعافيه
الشكر موصول لبناتي الي صورن وجهزن لي الصور بس لصقتهن لكم
شكلها مرتب ماشاء الله يعطيك العافية