هذي اول طبخه انزلها في هذ القسم
والظاهر حظكم زين لان الطبخه اللي رح انزلها محبوبه من الجميع
ولذذذذذيذه
انا سويتها عشاءوكانت جدا لذيذه
المقادير:
لحم هبر مقطع شرايح نحيفه
بيالة شاي خل - نصف بياله عصير ليمون - ملعقتين كبيره زبادي مخلوطه مع 3فصوص ثوم مفرومه ناعم - فلفل اسود - كمون
ملعقه قرفه مطحونه ناعم -فلفل مقطع شرايح صغيره وممكن الاستغناء عنه حسب الرغبه
تخلط جميعا مع اللحم واخيرا يضاف الزبادي والثوم
بعد الخلط توضع في الثلاجه على الاقل 4ساعات ثم تستخدم
اللحين نحمي التاوه او القدر على النار وتكون النار عاليه ثم نضيف اللحم ونحركه قليلا وعنما يبدأ بالغليان نخفف النار ونغطيه ويترك حتى ينشف الماء وتستوي اللحمه قليلا
وعندما ينشف الماء نرفع الغطاء ونحرك اللحم ونضيف الملح حسب الرغبه
اللحين نولع فحمه ونضع فنجان فيه قليل من الزيت وسط اللحم علشان تتبخر وتعطي ريحه حلوه زي شاورما المطاعم
الحين نشيلها ونحطها بصحن ونسوي صوص الطحينه وهو عباره عن طحينه وزبادي وثوم مهروس وعصير ليمون تخلط مع بعض وندهن فيها الخبز
الحين ندهن الخبز بالصوص ثم نضع الشورما ثم بصل ابيض مقطع شرايح خفيفه
نلف الخبز ونضعه على صاج حامي علشان يتحمر الخبز ويطلع واو ثم نلفه بالمناديل او ورق النشاف او القصدير حسب الرغبه وتقدم ساخنه
معليش كان ودي اصور السفره كامله بس ريحة الشورما دوخت زوجي وصار مستعجل يبغى العشا
وبس صورت لكم صورة الطبق النهائيه بالقوه (فيس معصب)
طبعا الحشوه اختياري ممكن تضيفي الخس والطماطم اوالخيار حسب الرغبه
كمان معلومه مهمه علشان يسهل عليك تقطيع اللحم شرايح
ضعيه في الفريزر حتى يتجمد ثم اخرجيه وابدأي في التقطيع مباشره
وبس انتهت الطبخه بس لا اوصيكم على الردود والتشجيع ودمتم
تسلم يدج يا قمر
http://forum.hawaaworld.com/showthread.php?t=2831909