تبون شاورما باللحم ..؟؟ .. هالشورما اهداء خاص جدا لكل حواء مسجله في عالم حواء .
الصراحه ما امدح .. بس صج طعمه لذيذ .. وسهل ويستوي بسرعه ..
المقادير كيلو فخذ لحم غنم .
تطلبين من اللحام يفصل اللحم عن العظم ويقطعه شرائح للشاورما
بعد ما تغسلينه تنقعينه في روب ولبنه . يعني حوالي ملعقتين كبار لبنه وخمس ملاعق كبيره روب .. بس من غير اي اضافات واتخلينه يوم كامل بالثلاجه ..
وبعدها بيوم .. في تيفال صبي اشوية زيت وحطي اللحم فيه وعلى النار
وخليه اشويه وغطيه لين ينشف الماي ويطلع الزيت وتتاكدين انه استوى ..وبعدين حطي ملح وفلفل وثوم بودره وزنجبيل بودره
وبعدها حطيه بالفرن تتحمر بس من فوق
وفي هالاثناء . جهزي السلطه عباره عن خس مفروم و بصل اخضرمفروم وبقدونس مفروم وطماطم شرائح و خيار
مربعات وحبة وحده جزر مبشور واتخلطينهم مع بعض واتحطين عليهم ملح وفلفل
وجهزي الطحينيه باضافة الماء البارد والتحريك بالملقعه بسررررررعه حتى تبيض الطحينيه واخلطي معاه عصير ليمون او خل وخليه سائل نفس الصوره ورشة ملح وفلفل
ندهن الخبز بالطحينيه ونحط بالاول اللحم
نحط الخضروات وما ننسى الخيار المخلل واتلفين السندويتش بالاوراق الخاصه بلف السندويشات
طريقة عمل الخيار المخلل سبق وحطيته بموضوع مستقل
http://forum.hawaaworld.com/showthread.php?t=2976268
عيالي يحبون يشربون البارد في اكواب الكاباتشينو
وهكذا انتهينا .. اتمنى تجربونه صج طعمه لذيذ .. اللي يعطي الطعم الاصيل هو البقدونس المفروم والبصل الاخضر .. ولو تحبون رشة سماق ..
سبحانك اللهم وبحمدك . اشهد ان لا اله الا انت استغفرك واتوب اليك
الله يعطيج العافية