كان عندنا جمعه عائليه المهم وطفشنا من الرز والمكرونات فقررنا نعمل خفايف وأنا أقترحت على الماما إنه أعمل ساندويشات شاورما مع غني ما قد عملت شي لما يجي عندنا أحد
الوصفه ماأذكر من وين أخدتها
المقادير:
صدور دجاج على حسب الأشخاص
علبة زبادي أهم شي تغطي الكميه أنا إستخدمت إتنين لأنه الكميه كبيره
نص كاسة زيت زيتون
نص كاسة عصير ليمون
فلفل أحمر مطحون- فلفل أسود- ملح
الحشوه :
خس أفرميه
طماطم برضه تتقطع صغيره
مخلل خيار
الصوص: أنا إستخدمت طحينه لكن ممكن تحطي ثوم حسب رغبتك
طحينه وملح ومويا وشطة قوارير ماما قالتلي حطي خل وماأدري مين جا قال حطي ليمون رفضت رفضا تاما لازم أطبق خلطتي للأخير :42:
العيش هو في ناس تخبزه وأنا عندي الطريقه بس ماما خافت أخبصها و تتفشل فما رضيت جبنا عيش من السوبر ماركت جاهز
الطريقه:
جيبي الدجاج الصدور زي ماهو لا تقطعيه وأنقعيه في الزبادي وزيت الزيتون والليمون والفلفل الأحمر والفلفل الأسود والملح وأدعكيه شويتين بيدك عشان يتشبع بالخليط وغطي الصحن بكيس نايلون لمده يوم أو أقل براحتك أنا نقعته من الفجر إلى 6 المغرب
وبعدين نخرج الدجاج ونجيب المقلى ونحط ربع زبده أنا عن نفسي حطيت زيت لأنه الزبده تتخن فكل وحده براحتها المهم ونشوف الدجاج زي ماهو كبير بس شويه يادوب يصفر ومايكون مستوي مره
وهنا شكلها بعد القلي لسا فيها مويه وصوص الخلطه ومصفرة شويه
دحين جا وقت التقطيع والشغاله يناسوا عليها ساعدتني وهيا اللي قطعتوا بس الله يهديها قلتلها قطعيه صغير قالت لاااااااااااااااا بأدين يتلأ مويا منه ويسير صغير( الترجمه بعدين المويا اللي فيه تطلع ويصغر أكتر) المهم طلع كأنه حبات ليمون
بعد ماقطعناه نرجع نحط زبدة في المقلى ونشوحه مزبوط إلين يستوي وينشف أنا إستبدلت الزبده بالزيت هنا كمان و أضفت توم و بصل وماما أقترحت بعد ماشمت ريحة الصوص اللي نقعت في الدجاج إنه أصب عليه شويه كمان هنا يمديكي تدوقي الدجاج إذا حابي تزودي بهارات وملح حطي أنازودت فلفل أحمر والملح لأنه كان ناقص
هنا بعد ماأستوى الصورة مو واضحه والألوان بس مطبخنا سهاري على بالهم غرفة نوم
لا أحد يرد لسا ماخلصت
والطحينة
والعيش
الشكل النهائي
و هنا السفره كامله كلها خفايف نقتس فيليه وجمبري بطاطس ويدجز سلطه و منتو ساندويتشات تونه
وهنا منتو ماماتي
وخلصنا إن شاء الله تعجبكم الطريقه :27: