وينك من حديث النبي صلى الله عليه وسلم لفاطمة اذا اويت لفراشك فسبحي ثلاث وثلاثين واحمدي الله ثلاث وثلاثين وكبري اربع وثلاثين فذلك خير لك من خادم او كما قال صلى الله عليه وسلم استخدمي هذي الطريقة وبتشوفين امورك اليوم الثاني كيف متيسرة

ههههههه ياحبيلي لك اجل لو عندك ٦ ماشاء الله وش بتسوين الله يعين بس
لكن نظمي وقتكوحددي للكبار مكان حوسه يعني لعب بالالعاب في غرفتهم بس التلوين بغرفتهم وبس لا تطلع حوستهم برا الغرفه هذا أهم شي وخليك شديده معهم
الملابس اكيد الاولاد كل يوم تغسلين لهم بس انتي وابوهم مره بالاسبوع ولو تقدرين تكون ملابس المدرسه على عدد الايام بحيث تجمعينها بأخر الاسبوع وتغسلينها وتكوينها مره وحده
شوفي أنتي بوقومين مع صلاة الفجر زين بتجهزين فطورهم وفسحتهم وفطور أبوكم صح طيب خلصتي جهزي أغراض الغدا من تقطيع خضر ودجاج وووكل شي وحطيه بالثلاجه على مابال يخلصو الاولاد تجهيزهم لممدرسه بعدين فطريهم وبس يروحون للمدرسه أذا عندك مواعين غسليها واذا حاسو أرضية الغرفه بعد الفطور أكنسيها وغسيلك بالغساله ثم كبري المخده وناااااااامي على ١١ قومي جهزي الغداء وأنشري الملابس وخذيلك دش وقومي بنتك وروقي على كاس شاي بس يجون تغدي وغسلي المواعين وأبدي ذاكري لهم بأذن الله مايأذن العصر الا وانتي خالصه مذاكره معهم طبعا روحي نامي لك شوي ولا تابعي تي في ولا نت
قبل أذان المغرب جهزي العشا ونصيحه بأيام الدراسه خلي العشاء خفيف خليه معتمد عالسلطات والساندويتشات الخفيفه عمليه ومريحه لك عشيهم وبس يأذن العشاء نوميهم وبنتك لا تنام بالنهار زين وبعد لا تنومينها بدري مع أخوانها بس ينامون الكبار أمسكي بيتك كنس ومسح طبعا الغرب الي كل يوم تدخلونها أما الي لضيوف مره بالاسبوع تتنضف وافضل يوم الثلاثاء عشان الضيوف بالغالب يجون بالويكند أذا بيتك دور يبغالك ساعه بالكثير وتخلصينه مع الكوي الخفيف وبعد ماتخلصين يعني ممكن الساعه٩ تخلصين نومي بنتك وخذيلك دش ورووووقي عشاي او كوفي ولما يجي زوجك انتي مرتبه وبيتك مرتب والجو هادي ورايق وتعشو ونااامي
غسالة الملابس الاوتومتك ضروريه وغسالة المواعين بتريحك جيبيها بدل الشغاله ارخص لك واريح وتبقى لك طول العمر وترتاحين نفسيا
لما تروحين لسوبرماركت او ملحمه أطلبي شرائح الدجاج ومتبله وبعد لحم كفته وكباب وعلى طول قسميها وبالفريزر تريحك بتسوايت العشاء بأيام الدراسه
الدجاج أشريه مقسم ترتاحين من تقسيمه كل يوم وتختصرين الوقت
والاكواب والصحون والملاعق حق أستخدام عيالك خليهم بلاستك وورق اريح لك مافي غسيل
حددي حركت عيالك بالغرف واقسام الضيوف لا يجونها ابد كذا بترتاحين من التنظيف كل يوم
لا تسهرين مره حتى يكون عندك طاقه بالصبح
انا اسوي الغدا والفطور والعشا مره وحده عقب صلاة الفجر الي يحتاج تتبيل اتبله والسلطات أقطع حق الغدا والعشاء والخضار بعد كذا بس أكشنها بوقتها وبس وأختصار للوقت
أتمنى اني أفدتك وهذي هي تجربتي مع بزراني وبيتي وزوجي والله يعين

جيبي شغالة وريحي بالك

وأولادك لا تدرسينهم خلي كل واحد يدرس بنفسه وفي نهاية اليوم يجون يورونك اللي سووه
وفي نهاية الأسبوع أعطي جائزة بسيط للي كان طول الأسبوع يدرس تمام من غير ما تقولين له
والله هذا أريح لهم وينمي فيهم الاعتماد على النفس ويخليهم واثقين من أنفسهم لأنهم بيحسون انهم سووا انجاز
لما درسوا من نفسهم .

وبالتوفيق

الله يعييننا وياك
والله انا مثلك محتاسه وودي بشغاله تساعدني
بس مشكلتي شقتي صغيره لو بجيب شغاله وين بقعدها وبنفس الوقت ماابي اثيوبيه والمشكله انه هم اللي متوفرين الله يعيينا

‏‏شكت فاطمه رضي الله عنها ما تلقى في يدها من الرحى فأتت النبي ‏ ‏صلى الله عليه وسلم ‏ ‏تسأله خادما فلم تجده فذكرت ذلك ‏ ‏لعائشة ‏ ‏فلما جاء أخبرته قال فجاءنا وقد أخذنا مضاجعنا فذهبت أقوم فقال مكانك فجلس بيننا حتى وجدت برد قدميه على صدري فقال ‏ ‏ألا أدلكما على ما هو خير لكما من خادم إذا أويتما إلى فراشكما أو أخذتما مضاجعكما فكبرا ثلاثا وثلاثين وسبحا ثلاثا وثلاثين واحمدا ثلاثا وثلاثين فهذا خير لكما من خادم ‏
‏