نفس مطمئنه @nfs_mtmynh

كبيرة محررات

شايب عمره 77 سنه يبكي .. ( تصدقون المشكله ماهي فراق اللي تحب .. المشكله !!!!!!

السلا عليكم ورحمة الله وبركاته

::

::

قبل كل شي :
اعتذر كثيييييييييير على هالقصه
وعلى هالقصيده للغوالي اللي فاقدين
احد والديهم :26:
بس حبيتها وحبيت تقرونها مثلي
ويتعظ اللي مقصر

( ولعيون اللي يحبون القصيد )

يقول احدهم ..:
زارني يوم امس ابن عمي وحبيبي ورفيقي فسألته
بصراحه :
_ ابو محمد بعد 26 سنه على موت الوالده رحمة الله
عليها وبعد هذا العمر وتخطيك سن الاربعين ..
هل مازلت تشتاق لها ؟

تبسم واطرق قليلا ثم رفع رأسه ,
وفي عينيه ارتسمت لوحة الحزن العميق
واخرج ورقة وقال لي :
يا ابو يزيد هذه القصيده كتبتها قبل أيام ..
هي جواب على سؤالك !!

تصدقون من ماتت امي ماعرفتك يالهنا
تصدقون من ماتت امي عيشتي صارت ضنا
واليوم جاوزت اربعين والحزن باقي
والحنين واحس عايش في خلا
لو انتحي ماحد فزع ..
لو اشتكي ماحد درى
مشتاق انام بحضنها ..
وارجع بأحلامي ورا
واذكر ليالي الزمهرير
وانا صغير وبحضنها القى دفا
وان سولفت رديت على الجنب اليمين
وألصقت وجهي بصدرها حب ووفا
كانت تحكيني عن الآم السنين وبحشرجه
صوت حزين وتنهدت واحيان نتنهد سوا
كانت تقول ( اني يتيمه من زمان ) ..
واضحك وأسأل بازدرا ؟
ياميمتي انتي كبيره والكبير
ماهو يتيم وهذا قضا
واليوم اعيش احساسها دار الزمان بكاسها
واسقاني احزان اليتيم وشربتها بليا رضا
واحس انا باقي يتيم ..
رغم السنين والعمر ولى وانقضى
تصدقون المشكله ماهي فراق اللي تحب
الموت حق والدهر عمره ماصفا
المشكله ذيك الجنان التي تحت اقدامها
بغابها غابت ووراها الثرا
وذاك الدعا اللي كان يرسم لي امل
ماينقطع صبح ومسا
كانت اموري ميسره , كانت دروبي مسرجه
حنانها ماله مثيل وحبها ماله بديل
( حب فطره الله من عالي سما )
وارجع واقول رغم السنين ..
احس انا عايش يتيم في رجا

ما ان انتهيت من قراءة هذه القصيده ..وبسرعه
تركت ابن عمي وركبت سيارتي ..
ولم اتوقف الا عند اقدامها .. واخذت ابكي وهي تقول :
وش فيك ياولدي عسى خير ؟!!
قلت :
الخير هنا عند اقدامك .. شكثر انا مقصر معك ..!!
يالحبيبه سامحيني واغفر لي غلطتي !

وألقت القصيده امام الوالده والوالد وعمره 77 سنه
حفظه الله ..فدمعت عيناهم ..
قلت لوالدي : مالذي يبكيك ؟
قال : اشتقت لأمي

حبهم باقي سبحان الله من يشك انه ممكن ان الواحد ينساهم
يارب انا مانفقدهم وماتبكيهم عينا ويارب اجعل يومي قبل يومهم
الحياه بلاهم ولاشي

ماراح اطول القصيده كامله ووافيه ومرت على ابسط الامور

كلمتي بسيطه للغوالي
اللي اهلهم حولهم ومايزرونهم .. او يتأخرون عليهم
قدروا النعمه اللي بين ايديكم واحمدوا ربكم عليها
غيركم فاقد .. وغيركم مشتاق .. وغيركم يتمنى بوسة رجل

البنات اللي يرفعون الصوت , او يتأخرون على طلباتهم
رضا الله من رضاهم .. وعشان تكسبين الاثنين جاهدي
ماهو صعب .. برضاهم وكبرهم جنه

قال صلى الله عليه وسلم
رغم انف رغم انف رغم انف قيل من يارسول الله قال من ادرك والديه عند الكبر احدهما او كليهما ولم يدخل الجنه

سوي اللي تقدرين عليه وجاهدي نفسك فيه
عشان اذا بتبكينهم يوم من الايام
يكون بكاء شوق مو ندم

..

سبحان الذي ..
اذا ذكرته ذكرك .. وان شكرته زادك
وان توكلت عليه كفاك .. سبحان الله

لا اله الا الله

يلزم عليك تسجيل الدخول أولًا لكتابة تعليق.

تسجيل دخول

احســـــــاس طفله • 12 سنة

يسلمووووو حبيبتي

صبح الرشاش • 12 سنة

القصيده مره تحـــزن :(
اللهم ارحم جميع موتى المسلمين
والله يخليلنا والدينا ويطوّل بأعمارهم يآرب

بارك الله فيك يــا قلبي :26:

IIOII • 12 سنة

القصيده رائعه وادمعت عيني
يا جعل عيني ماتبكي لا امي ولا ابوي
يا جعل يومي قبل يومهم يارب
والله احس بعتمه شديده
وانعدام المستقبل لما اتخيل افقد واحد منهم
يارب قدرني على برهم يارب

ام لمار واختها_ • 12 سنة

السلام عليكم ورحمة الله وبركاته
اللهم يامقلب القلوب ثبت قلوبنا على دينك
استغفر الله العظيم واتوب اليه
امي ياامي
الله يثبتك يالغالية ويزيدك تقى وايمان
جزاك الله كل خير ياقلبي وبارك فيك
ونفعنا الله بماكتبتي
وجمعنا الله بك بالفردوس الأعلى مخلدين فيها

أم يارا... • 12 سنة

الله يرحم موتى المسلمين ويخلي لي امي وابووي ويطول اعمارهم ادعو لامي يابنات صحتهاا مره مدهوره

هالسنه الله يشفيهاا