شايفين كيف الخطف صار سهل وعلى عينك ياتاجر \\\حسبي الله عليهم

اخواتي حوائيات الغاليات
حبيت انبهكم لنقطه اغلبنا يجهلها وانا اول وحده الين انقرصت
ابقولكم قصتي واللي ترددت في طرحها لانها تؤلمني كل ما تذكرت
في مثل هذا الشهر قبل سنه مر زوجي سيتي بلازا اللي على شارع الستين وفيوم اربعاااااااااء
الساعه 8 مساء تخيلووووا الموقف الدنيا زحمه والشوارع مليانه ولكننننننننننن القدر
نزل زوجي وانا واولادي اثنين بالسياره بالمواقف اللي عالشارع العام ولدي الكبير 5سنين فتح الباب اللي ورى انتبهت
وقلتله قفل الباب وتعال عندي قفل وجاني والامان مفتوح والسياره شغاله قرصني قلبي لتفت لقيت ورى السياره
شابين افارقه الله لايربحهم يادوب ابقفل الامان الا واحد فتح بابي ويقول طالعي طايحتلك حاجه عند الكفر
مادري وش قصده المهم سحبت الباب بقوه دخل يده وقفلت عليها
اثاريه يبغى يلهيني وما التفت الا والثاني راكب مكان السايق والله ياخواتي مافييييه ولا مخلوق بالموقف
صرخت وحطيت يدي عالبوووري وسبحانه اللي القى في قلبه الرعب ونزل يركض مع انه مااحد جاني والتفت
الا وهو وصاحبه يركضون لاسواق لمسات اللي بالجهه المقابله كان يقدر يخطفنا لكن الله اقوى منهم وبالجهه اللي مقابلتني اولاد كانوا بسيارة جمس شافونا وقاموا يدقون بواري لين جا ابوهم شكله توه كان داخل السوق
وهم يحكون امهم وتناظرني وانا ودي اناديها بس من الروعه ماني قادره ارفع يدي وشفت سواقين تجمعوا قدام السياره وانا بس اردد حسبي الله وكفى من يوم ماركب والبيبان قعدت مفتوحه وانا ارتجف جوالي استقبال يعني ماقدرت ادق على زوجي وبعد ربع ساعه من الحادثه طلع زوجي يتمخطر لما شفته قمت ادق بوري وجاني يركض
قلتله السالفه والله لا يوريكم الموقف بغى ينجن يدور البوادي كلها بالسياره يبغى يدعسهم وهم فص ملح وذاب
وانا بعد ساعه من الموقف جاني انهيار ومرضت اسبوعين

ودكم تعرفون وش اللي حفظنا مع انهم يقدرواوبكل سهوله يخطفونا
اني بعد صلاة المغرب ولاول مره اقول
اللهم اني استودعتك نفسي وزوجي واولادي وسيارتنا والله الذي لااله الا هو لاني مااستودع الاوقت السفر
حسيت الشيطان يقولي ليه تستودعي الحين وانتو منتوا مسافرين ضحكت في نفسي
وبعد ما شفت الرجال قاعد جنبي سمعت استيداعي ووسوسة الشيطان لي

بتسألوا عن اولادي وقتها هدووووووووووووووووء تام الكبير يبكي بصمت والصغير بعدها يقول
الحرامي خاف من ماما وشرد وصار الحرامي عنده شي عادي مع انه كان يخاف لمن نجيب سيرة الحرامي









اكتب وانا ارتجف واحس مثل السكاكين ببطني مع انه الموقف كمل سنه الله لايعيده
ولا يقدر عليكم بس
انتبهووووووووووووووووووووووووو وووووووووووووووووووووووا:44::i con33: