شايلة حمل كبير ابي خوات حكيمات

السلام عليكم ورحمة الله وبركاته 
اتمنى القاء اللي يريحني يارب 

خواتي اختي متزوجه لها 6 شهور للاسف 
وبدت مشاكلها مع زوجها الغريب التصرفات 
ماندري ليه هو كذا ... 

اول شهر مدح ومعجب فيها وانها هي اللي يتمناها 
وبسم الله بدت تصرفات غريبه ... 

طبعا اولها النوم بالمجلس بعد مارجعو من السفر 
ياخذ فراش مجهزه بعد وينام بالمجلس يسهررر احيانا على التلفزيون ويطووول ثم يخفاه النوم وينام ... القيلوله بعد بالمجلس ... اختي تحط القهوة بصاله يتقهوى ثم على طول للمجلس ويقولها يالله بروح لعالمي وهو سعيد يقولها ... بعدها زعلت عليه وكلمته ليه تنام بالمجلس وش هذا ... قال كنت متأكد انك بتتضايقين لكن انا تعودت على نومت المجلس ماعرف انام الا فيه ... قالت تعود بعد على نومت الغرفه قال ايه صادقه بتعود شوي شوي وبدا ينام بالغرفه واحيانا بالمجلس لكن القيلوله بالمجلس يتغداء ويجلس على التلفزيون ثم ينام ... طلبعا نومه يطول لين المغرب يصلي وينام وهكذا ... بالليل ينام بالغرفه ... 
خلصنا من هالموضوع وتفاهمت معه على هالنومه
نجي لطلعات يطلع يوميا يسهر الي 2 او 1 واحيانا 3 مع اصدقائة .. اللي كلهم 2 لزقة .. واحد قريب له من اقاربه يعني ... 

ومرات يجون يسهروون ويطولون اذا جوو يجلسون لساعه 3 

ومره جلسو اسبوع كل يوم جايين على هالمباريات جالسين .. 

طبعا مايخليها تصلح شاي وقهوة لهم يقول هذولي ميانه عاادي مو لازم يحط لهم هو عصير واحيانا يتصلح لهم وناااادر جدا تصلح يقول مو لازم .. 
اقول يمكن مايبيها تتضايق منهم وانها بس تصلح لهم حتى العشاء ماتصلح لهم بس يدخل يتعشى عندها ثم يرجع ويجلس معهم ... واذا قالت صعبه مانعشبهم ولا نقهويهم هي تقول كذا تبي تعرف وش السالفه يضحك ويقول وييين هذولي عادي ماعليك منهم مش حالك معهم .. 
طبعا من صفاته انه خجول يستحي حيوي مرره 
وبارد ثلج ... 

كلمته اكتبت له رساله طويله وقالت له كل شي وبأدب واحترام وكلام ذوق ... 

رد واتصل عليها وقال اثاريك طول هالمده حاقده قالت لا بس هالتصرف مايصلح لهم اسبوع عندنا لازم مره عندهم مره عندك ولاثلاث ايام هالسهر بالاسبوع مو يوميا...  قال بس هالمره صار كذا عشان المباريات ولا مودايم بيصير ... وهو مخليها تنام عند اهلي طبعا سالفة النوم سالفه ثانيه ... قال اجي اخذك بكره قالت خلاص بعدين قال ماودي اخرب عليك جمعتك مع اختك خليها على نفس موعدنا قبل اللي هو بعدها بيوم متفق الجمعه والسبت تجلس المهم ماصارو يجوون وصار يسهر ل11 او 12 لكن يوميا طول اليوم نوووم وبعدها يتغداء ويجلس بالمجلس وبعدها يروح لهم .. 

طبعا الطلعات معها مايحبها يعني مايتحمس لها بس او مارجعو من شهر العسل طلع معها كذا طلعه لانه ماكانو يجونه اصدقائه وكلها بر ومرتبن بس مو ذيك الطلعات .. طبعا هي ماهمتها الطلعات نفسها قد ماهمها انه يفكر يجلس معها يفكر يالله نطلع نغير جو .. بعدها خلاص صار مايطلع معها ولا يطلعها كل طلعاته مع اصدقائة بالبيوت وعلى التلفزيون مباريات وسوالف وبس ... بالشتاء بدو يطلعون بر يمكن مره بس تخييم بمزرعه ..

ودايم هي تذكره بالتلميح وبالمباشر انه خلينا نطلع مع بعض ولا تقول وش رايك اجهز غدنا ونتغداء بالبر او تقول وش رايك ناخذ قهوتنا ونطلع وهكذا
طبعا يطلع اعذر مثل وييين نطلع الحين بررد ومشغول انا بيجيني رجال او بيمرني رجال وهكذا ويقولها ياهذي الطلعات اللي ماتخلص لااازم نطلع مع بعض لازم انا وانت وش نسوي مع بعض لحالنا
وهكذا..

احيانا اصحابه يطلعون عوائل ويقولون يالله نطلع ويطلعون كلهم وصارت بس مرتين ... وهو يتمحي لمثل هالطلعات انها هي مع الحريم وهو مع الرجال

نجي لتصرف الثالث بعد النوم يخليها تنام عند اهلي نهاية الاسبوع اغلب المرات مثلا ينزلها العصر ويسهر مع اصحابة للفجر او لثلاث ثم يقول والله دايخ وش رايك تنامين وبكره اجي اخذك لانه بس بياخذها ثم ينام الي المغرب مثل قبل ويجي ياخذها
واحيانا اليوم اللي بعده تكون عنده طلعه فيقول بطلع اجلسي عندهم لليل ثم يجيها وحده باليل كذا واحيانا لا بس تنام يوم واحد ... وان جلس بالبيت تلقونه تعبان ونايم يعني يجلس بسبب التعب وينام طول اليوم وينطون عليه اصحابه يجون لطول تعبان وجالس بالبيت ..

النوم هذا سهل عنده يخليها تنام عند اهلي خاصة نهاية الاسبوع ... المره هذي اخذ اجازه اسبوع لأمر كان يبيه وماصار هالأمر ... وقال لها منك مشتاقة لأهلك تنامين عندهم لان اهلي مسافرين وتوهم جايين ولا راحت لهم وتبي تروح قالت الا مشتاقة لهم وابي اروح بس ليه انام مو لازم .. قال كذا يومين ابي اجلس لحالي بالبيت انصدمت وش يجلسك الحالك بالبيت ليه قال امزح امزح امزح بسرعه قالها وبستهبال بشوف ردت فعلك ثم قال لا بنكشت يومين مع اصحابة قالت خلاص ..
قالت بجهز اغراضك وملابسك قال مو لازم قالت ملابسك بكويها عشان تطلع فيها قال لالا مو لازم ((اطبعا هي قالت له دامك اخذت اجاهزه حلو نقوم الصبح مع بعض ونفطر سوا ونسهر سوا قال اكيد
وسكت ..))

المهم نزلها عند اهلي الظهر والعصر طلعت معهم لسوق وارسلت له ترا بطلع مع اهلي السوق وبنتقهوى بكفي ... وطلعت ولا شافت رده 
ويرم راحت يدق عليها اكثر من مره وهي جوالها مانتبهت له المهم عاد ردت ويسالها هاا طلعتي ووش هالطلعه ووين بتروحون وكذا وقالت له لسوق والحين بكفي نتقهوى قال ايييه خلاص اذا رجعتي لبيت دقي وعلميني او ارسلي لي ،، بالفجر دق يعلمها انه بيتفق مع رجال خواته يطلعون طلعه للبر وكلمهم طلعت عوايل هم وحريمهم ... قالت زين ... بعدها اسئلته طلعت للبر قال لا نمت وجاني خويي وتقهوينا وجاء خويه الثاني وجايب لهم عشاءوتوه جاي من السفر جايب من البيك  يعني جلس بالبيت واليوم الثاني اكيد بنطلع وهي تقول شكله مافيه طلعه بس يبي يصرفني وقالتها له شكلك تبي تصرفني ولا مافيه طلعه قال سلامااات
بس صار كذا فجئة .. وبكره بنطلع ..
واليوم الثاني سحبت عليه وعلمته بالليل انها بتطلع مع اهلي لحديقة ... بتشوف ردت فعله قال ماهي مشكله انتبه لنفسك... وقالت في النهاية التمنى المره الجايه معك الطلعه قال اكيد وانتهت المكالمه

هاليوم ماسئل ولا دق وراحت ورجعت ولا دق الي الليل وقلت لها خليه لاتسئلينه شوفي متى يدق والي متى بيجلس بس هي من القهر ماصبرت ودخلت بالواتس وقالت صار اسبوع مو يومين قال اسبووع وحط علامة استفهام وقال ثلاث ايام انا قلت لك ثلاث ايام قال وبكره بجي قالت لو ماسئلت كان ماجيت قال سئلت ولا ماسئلت بكره بجي قالت لاتجي خذني من الجامعه بدري بكره بروح للجامعه قال ابشري ... وقال يالله انا مشغول بشوف المبارات يعني ماطلع للبر وجلس بالبيت ونادا اصدقائة وكذب عليها ... وتكلم معها عادي كانه ماهي زعلانه .. يرسل ابي رقم فلان ضروري يبيه واحد من اخوياي وارسلت له وقال شكرا وانتهت المكالمه ....

اليوم بياخذها من الجامعه وبترجع معه ومقهوره منه وتقول كرهته ليه مايبيني وينزلني عند اهلي ويكذب علي وش سالفته هذا ... وتقول بروح وبكون ساكته ولا راح اتكلم ولا راح اكل معه واذا قال وش فيك بقول انت السبب واقوله اللي بخاطري ..


عاد انا شايله همها واحسه حمل كبيير تعبت معها والله لاليلي ليل ولا نهاري نهار خايفه على حياتها ومنقهره من تصرفه هذا ليش هو كذا والله اذا دقت تشتكي تجيني رجفه واتعب تعب ويتعب جسمي كني مسويه مجهود ولازم ارتاح بسرير واهملت بيتي وزوجي لاحظ شرودي وجلستي على الجوال كثير لاني ارسلها وهي تشكي لي وتبي حل وانا نفسيتي دمار مدري وش الحل معه .. انا وهي خوات ويتيمات الاب من يوم احنا صغار طيبات ومسلمات وامي اشد طيبه ومسالمه .. اخواني صغار على هالأمور ولا يعرفون يتصرفون فيها
لي اخو من اب كبير علاقتنا رسميه معه ومدري كيف اتصرف ولا كيف تتعامل معه هي عرفت شخصيته من البوصله وتعامله عليها لكن يوم تصارحه مثل الطلعات معها مايبي ولا تغير فيها ويقول كرهت الطلعات من كثر ماتطرينها وهم مزنوقين ماليا يعني الطلعات في مدينتهم لازم كفي او مطعم بس مافيه غيرها وهي تقول لو ميه بس بسهر او خمسين مابي شي فخم لو طلعت بر او حديقه او فرفره بسيره بس انا اطري عليه..
والنوم هذا ينزلها عند اهلي تنام عادي طبعا هي صارت تقول لا ما ابي انام بعدين طلع لها بسالفة الكشته هذي وانه يطلع يومين  
  
طيب اخلاقه واجابياته هو طيب والفاظة زينه معها ولا يرفع صوته عليها ولا يتعبها في البيت في الشغل والطبخ بس الفطور والغداء والغشاء اي شي يساعد في البيت يرتب معها احيانا ينظف معها احيانا اذا مرضت يقول لاتسوين شي اذا جتها الدوره بعد يقول لاتسوين شي ولا تشتغلين. احيانا يجيب لها كوب المويه ... ورمنسي كثيير بالامور الخاصه ماشين زين مافيه مشاكل بس هالتصرفات اللي قلتها لكم ... 


عاد مدري تكلمل حياتها ودام هذي تصرفاته تقول اتوقع مع السنين بزيد اهماله لان هذا بس بدايتنا كذا واحيانا تقول يمكن يتغير بدعاء والمحاوله بس ملت من المصارحه له والزعل منه تخاف يطفش من كثر الزعل وهو الله يهداه ماهو عارف ان الموضوع كله وازن بين بيتك وزوجتك واصدقائك وطلعاتك  كذا مره تكلمه يتغير بشي بسيط لكن هالنوم طلع بهسالفه والطلعات الي الان ماشافت شي .. وهي مأخره الحمل سنة وكان يبيها تحمل بس ارفضت عشان الدراسه والحين تقول ودي سنتين على هالطبايع لحد ما اشوف يتغير ويتجاول معي او لا 
وماتدري هالطفل يبي يغيره او لا لانه يحب الاطفال

وفيه نقطه اصحابه مثله نفس الطبع مع حريمهم من ناحية السهر وانهم يخلونهم عند اهلهن بس لانهن بعيدات عن اهلهن مايروحن لكل اسبوع لكن اذا ودوهن يخلونهن اسبوعين واذا اخذو اجازه ينزلون حريمهم عند اهلهم ويجلسون بالبيت ونفس السالفه يتجمعون بالبيوت مع بعض عند اللي حرمته ماهي موجووده 

عطوني شوركم ورايكم اذا فيه احد مثله ومثل حالتها ...