شايلة هم وموتتني الوساوس .. أخواتي المتزوجات أبي رايكم

السلام عليكم ورحمة الله وبركاته

أخواتي أنا مخطوبة من فترة وإن شاء الله ملكتي بعد شهر أو شهر وزيادة تقريبا الله يتممها على خير..

لكن المشكلة عندي ياغاليات هي الوساوس اللي راح تجنني يعني طول الوقت جالسة افكر إنه الزواج ماراح يتم وإنه بيصير شي ويخرب الموضوع لدرجة أحيانا اصير متأكدة من هالشي ,, وانا من الناس اللي كثير احلامهم تصدق .. فصرت لما أتحلم باي شي واسأل أحد المفسرين عنها ويقول يدل على هم عندك اوضيقة خلاص على طول اقول في نفسي انه اكيد الخطوبة راح تتفركش وهذا الهم اللي هو يقول عنه .

اخواتي الله يسعدكم ويعمر بيوتكم أبي اسألكم

هل الوضع اللي امر فيه حاجة طبيعية ؟
وهل جات لكم وساوس انه ماراح يتم الزواج لم كنتم مخطوبات ؟
وكيف اتخلص من هالوساوس ؟
عارفة راح يقولوا البعض اتكلي على الله واذا كاتبه لك راح يتم واذا مو مكتوب لك ماراح يكون من نصيبك
والله انا مؤمنة بهالشي وعارفته زين لكن مع هذا مازالت الوساوس مسيطرة علي
فأبي اعرف هل مرت فيكم ؟