شايله همي لوحدي

السلام عليكم بقولكم موضوعي وارجو منكم تقرأونه بصدر رحب وبدون تحطيم انا بحكم اني وحيده بين الاولاد اخواني اكبر مني متزوجين وعايشين حياهم الله يسعدهم ومالي الا اخت من ابوي ومثل امي لأنها اكبر مني عايشه بعيده عنّا بمدينه ثانيه ولاهيه بحياتها ومع اولادها الله يسعدها ويسعد اولادها هي تزورني بالمناسبات والأعياد وانا مثلها انا والله افرح لزيارتها لي لأني مثل ماقلت اعتبرها مثل امي لكن سرعان ماتغيرت فرحتي فيها بسبب التحطيم والكلام اللي تقوله لي مثال: ليش بيتك صغير ليش ماتطلعين منه ؟ كيف عايشه هالعيشه تحسسني انها احسن مني هي وبناتها المهم انا ماني حاسدتها هي ظروفها طبعا احسن مني ومستواها احسن مني وانا ظروفي الله اعلم فيها انان راضيه بحياتي بس المشكله التحطيم انا احاول انسى واطنّش بس والله حتى لو اتصل عليها تذكرني بنفس الكلام وان الناس عايشه ومن هالتجريح ارجع اتحطم ابكي على نفسي واسأل انا ليش ظروفي كذا وليش ماني مثل باقي الناس عيشتني بكئابه الله يسامحها انا كرهت حياتي بدال ماتقف معي وترفع من معنوياتي تحطمني انا مدري كيف اعيش حياتي وانا بهذا الهم راحت ثقتي بنفسي انا ماعندي خبره بالحياه بحكم ان زياراتي قليله بس اقول كيف اروح للناس وكيف ازورهم الناس تغيروا انا قاعده افكر بأولادي كيف اخطب لهم وكيف اتصرف ماعندي جرائه بالكلام وماعندي احد يوقف معاي احساسي ان الناس كلها ضدي وبتجرحني بالكلام بزواجهم مدري مين يوقف معي انا مالي خوات ولاصديقات غيرها انا اتخيل نفسي بالقصر لوحدي او حتى بالشبكه مافي احد اعتمد عليه الدنيا تسكرت بوجهي من التفكير احس بفراغ بعد وفاة امي الله يرحمها ومافي من اخذ رأيه او اعتمد عليه ادري طولت عليكم واسفه ع الأطاله بس والله اني ارتاح لما اكلم واتاح لهالزاويه والكتابه فيها اعتبركم خواتي فيه من يحس باحساسي ويعرف معاناتي ابي منكم نصيحه كيف اتصرف وانا لوحدي ؟ وياليت تقولولي عن كتب للاعتماد على النفس والتصرف بالحياه وجزاكم الله خير