شايله هم

لاتقولين كذا ناس يتمنون الأولاد بالعكس افرحي ان بيجيك مولود جديد وربي بيعينك وأحسن انك تجيبين أولادك وراء بعض عشان يكبرون مع بعضهم وربي يساعدك هذي سنة الحياة ياقلبي

الله يكون في عونك ويكتب اجرك
حاسه فيك لأنها نفس معاناتي الحمد لله على كل حال
بس والله ما ادري ايش اسوي لدرجة انقطعت عن الناس ولا احد يجيني واهملت نفسي
الله يسخر لنا ويحفظهم لنا ويعوضونا هالتعب
ان شاء الله البنات يفيدونا

الله يمون بعونك ان نفسك اشيل همهم ماشاء الله اعرف كثير بسافرون سياحة ويخلون عيالهم اسبوع واسبوعين وانا ماقدر اروح اي مكان بدونهم ماللك الا تجيبين شغالة يمكن ترتاحين شوي على الاقل تشيل شغل البيت عنك انا نفسك الثالث بالطريق ولافية شغالة بس انا بناتي كبار مو وراى بعض ومع ذلك متعبين مرة حتى لما اطلع طلعة اشيل هم التلبيس وغيرة االله يكون بالعون

شوفي الله يسعدك , مسألة الأطفال ورا بعض أغلب الحريم كذا
بس نختلف في تكبير الأمور أو تبسيطها

أنتي لا تتعبي نفسك بنفسك , ولا تكوني تفصيليه أكثر من اللازم
أقل شي فترة الحمل اعتبريها رااااحة وفرصتك تتدلعين شوي على زوجك وعلى الناس ^_^
يعني الصغار والبيت خليهم في حالهم قدر المستطاع , مو لازم تكون النظافة ناصعة 24 ساعة لا في البيت ولا في عيالك

حاولي تستمتعي بالكركبه شوي زي ماني أسوي ^_^



سويي زيي وانا أختك << أمممم النصايح هههه

أنا ألحين ببداية الحمل والتوحم وماعندي إلا بنت وحدة بس والله أني ماخذه الموضوع ببساااااطه
يعني بنتي من النوع اللي تتعرق كثير وكنت لازم أروشها يومياً , بس ألحين ما أتعب نفسي كثير إلا إذا خلااااص استعصت الحاله (:
والنوم ما كنت أقدر أنام إلا بعد ما تنام قبلي , بس ألحين قلت لازم أتعود صرت أشغل لها التلفزيون إذا تبغى تجلس عنده بكيفها وإذا تبغى تنام الله يحييها
والبيت ما أتعب نفسي كثير لأن ماعندي ضيوف ولا شي , فأشيل وأرتب بس الأشياء الأساسية زي الأكل وغيره
أما باقي القرابع والألعاب والحوسة ما عليها تقعد , لأني مهما رتبت راح ترجع

وهكذا يعني تكون الأمور ببساطه قدر المستطاع
ولا أحد بيلومك قولي لهم حامل وتعبانة وما احد بيشره عليك



من جهة ثانية حاولي توفري لنفسك وسائل راحه ثانية إذا ما عندك , زي غسالة الصحون, مجفف الملابس ... إلخ
عشان تريحك من بعض التعب على الأقل


والله يكون بعونك وعون كل حامل يا رب

الله يتمملك حملك على خير
وتولدين بالسلامه