لا تشيلين هم ابداا لانه الاكل الصحي سهل اعداده ***** الله وممكن تطلبين من الخادمه تلبس قلفز و تسويه لك وانتي جالسه بالمطبخ ومو لازم تسوين الطبخات الصعبه مثل جريش ومرقوق لانها بتتعبك خصوص اول اسبوع

ترا اذا فكرتي فيها سهله
الصباح ممكن قهوة قشر مع تمر وحبه سوداء او كليجا جاهزه تنباع او معمول
الفطور مثلا بيض مقلي او مسلوق مع خبز بر و زبادي ومعهم كوب حليب
او كبده محموسه
او ساندويتشات بخبز بر مثل بيض او كبده او تونه او لبنه مع خيار وطاطم
ومع الفطور صحن خضار مقطعه خيار وطماطم
اشياء مفيده ومغذيه وسهل اعدادها
الغداء شوربة جريش او ايدام بالخضار مع خبز بر واذا تبينه شي ثقيل وحطي عليهم قرصان او مرقوق ينباع جاهز ومعهم على الجنب لبن وسلطه
العشاء عادي اما حواظر البيت او جيبي من برى صحن مشاوي او صحن شاورما او اشتري دجاج متبل من الوطنيه وحطيه بصينيه مع خضار مقطعه وبالفرن ساعه وهو خالص احلى عشا
وهونيها وتهوون بإذن الله

سهالات

نفست بيتي وكم يوم واطلع من نفاس

جهزي كل شي قبل بس وقت الطبخ تحطبن بالقدر وبس

طبعا كل شي بالفريز جهزيه

اللهم أسألك فرجا قريبا لي ولصاحبة الموضوع ولجميع حوامل المسلمين
اللهم ارزقنا من يساعدنا ويعيننا ويهتم بنا في نفاسنا
اللهم فرجها علينا ويسر ولادنا ونفاسنا وهون كل عسير علينا
اللهم آمين آمين آمين

عادي ياحبيبتي لاتكبري موضوع النفاس
هي مرحلة نقاهة وراحة ومولازم تاكلي اكلات شعبيه ومشاريب
الصباح افطري بيض وحليب والظهر تغدي من برا زوجك يطلب لك دجاجة مشوية او قرصان او مرقوق من اي مطعم
والليل تعشي خفيف وتمشي الايام وتستردي عافيتك ان شاءالله
ايش تقولي في حال انك مغتربة زينا لا ام ولا اهل ولا جارات ولا حتى تلاقي التمر والبر وباقي الاعشاب الا نادرا
وكنت زيك شايله هم هذه الفترة
لكن لما افكر انه كل حريم العالم ولدو ونفسو طبيعي بدون هذه الخرابيط اهدأ واروق
واحمدي ربك ماعندك اطفال في مدارس متحمله مسؤوليتهم ولا عندك جامعه واختبارات وشايله همها
هدي ياقلبي الحياة بسيطة وسهله بس احنا نعقدها
الله يسهل امرك ويعينك

شوفي ياقلبي وانتي تولدين ادعي الله ييسر لك ويعينك

انا اعلمك النافس لا شبعت الحمدلله تقدر تسوي اي شي عادي
المووووت لا جاعت
عشان كذا اذا افطرتي قولي للشغاله تطلع نايلو لحم

افطري زين ويكون عندك غلايه ع طول ترمس الاعشاب او حليب دايم معبأ
حتى لو جعتي كوب دافي تتقوين فيه مع شابوره

وكشني وحطي اللحم واقسميه بقدرين اذا صار مرقه واستوئ

قدر غطيه وخليه الين يبرد ثم حطيه بالتلاجة تتعشين فيه

وقدر حطي القرصان الجاهزه وخلي الشغاله تقطع خضار واغسليها بعدها واطبخيه
وفلفل وبالعافيه الذذذ شي للنافس

وزي كذا اليوم اللي تطبخين غداك حطي اللحم ع اساس تقسمينه للعشاء بعد


اهمممم شي ماتنتظرين تجوعين عشان تسوين الاكل لاااا من بدري


ومن ذحين جهزي تحاميل فولتارين خذيها لمدة اسبوع كل يوم حبه تسكن اوجاعك والخياطه
وملين للمعده عشان مايجيك امساك هالحاجتين ضروووووري


وتقومين بالسلامه ياااارب