اخذت لقطة لاجمل موقف
هذي امرأة كانت جالسة عند باب المحل ( محل حلويات)
ومعها طفل رضيع :(
الشباب اللي بالمحل
راحوا عندها وقالو: وش ناقصك ؟ طبعا انا كنت بالسيارة قدامهم وزوجي نزل المحل وطول هناااك
هم سألوها: وش ناقصك او من هذا القبيل
وشفتهم دخلوا المحل << الشباب الاثنين
واحد طلع فلوس من جيبه وخرج راح الصيدلية ووجاب لها حليب اطفال علبة كبيرة اللي سعرها خمسين ريال
<<< هم كانو يكلمونها اعتقد عشان يسألونها عن نوع الحليب لولدها
جابوا لها حليب ودخلوا المحل
وقدامي شفتهم اخذوا فطاير او حلويات ماادري بس حطوه في صحن وغلفوه بكيس تغليف
حطوا الحليب في الكيس الاحمر وحطوا صحن الحلى والفطاير فوقه
واعطوها
طبعا حطيت جوالي على التصوير التسلسلي << ملقوووفة
بس ماطلعت الصور واضحة << قهررررررر
هذي اوضح صورة
شوفوا لما اعطاها علبة الحليب واظنه سألها هل فيه شيء ناقصها او لا
الله يجزاهم خير
بس الشباب
فيهم طيبة قلب الله يحفظهم ويتقبل منهم عملهم هذا
وانا ماابي من نشر الصورة الا عشان اقول لكم ان شبابنا فيهم خير مهما كانو لابسين بناطيل او شعورهم فيها جل
او بلايز فيها نعومة
يظلون شبابنا فيهم خير وبركة
وفيهم نخوة
الله يحفظهم ويبارك فيهم ويعطيهم الاجر
بنات لاتنسون تدعون لهم ان الله يرزقهم الزوجة الصالحة والذرية الصالحة وينفع بهم في كل مكان
الله يجزاهم خير