شبابنا في خطر

السلام عليكم ورحمة الله وبركاته

هالموضوع مهم ولازم نلاقي الحل وننتبه لهذا الشي
شبابنا الحين يتاجرون مخدرات وخمور ومسكرات والمصيبه الاهل يعرفون بس ساكتين خوف من الفضيحه او ينحرمون منه لابلغوا
صار الابو يخاف من ولده الولد صار يسوء اكثر والصدمه تلاقي الابو امام مسجد والولد متاجر مخدرات
طيب لييييييه لي متى صح ندعي لهم بس مو خلاص ندعي ونكتف ايدنا لازم نفعل السبب
لازم نادبهم بزران اعمارهم 15 سنه واقل يتاجرون ويشربون
طيب ليه ! ردهم عشان الفلوس مافيه وظيفه وهذي احسن وظيفه بس تعرف فلوس حرام مستحيل تحس بطعمها الرد فعلا بس وش نسوي
لي متى الام والاب يبكون فيهم ضغط وسكر من عيالهم
الولد كان يصلي بهم والحين اكبر متاجر مخدرات ومايعرف الصلاة محسود
الحين الناس لاشافوا واحد يصلي حسدوه معقوله والولد معاد يعرف الصلاة وربه وكل مانصحوه يقول ادعولي

طيب والحل
تعرفون الشباب ليه معاد يرغبون الزواج عمره 35 مايبي يتزوج طبعا بعضهم مرض بس عرفت الجواب البعض بلاش قروشه ومهر كثير وخساير وشروط نتزوج متعه وخلاص ينتهي كل شي وبسعر ياسلام !!
يعني صار كل شي عندهم سهل اشكالهم صايره تخوف
نحف مو طبيعي ريحه كريهه موسوسين شكاكين لسانهم ثقيل وتفكيرهم كله حرام في حرام والمصيبه مسلمين
ويقلون احنا مسلمين قلبهم ميت كيف نحيي به

وكثرة المعاصي تهدم البلد بكبره ومذكور فالقران اغلب سبب تدهور البلدان سبب كثرة الذنوب
يارب يارب تهدي كل ظال وتغير حالهم للافضل انتبهوا انتبهوا لعيالكم تثقفوا كيف تربون الاعيال ترى كل راع مسؤول عن رعيته في يوم القيامه قبل لايكبرون ولاتقدرونهم بس الا التشدد القوي وتنطلون عليهم كلمات جارحه كونوا اصدقاء لهم
لاتخلونهم يمشكون مع الموضه الجوال كل مده تفتشوا وش يدخلون عليه
كلموهم باسلوب نصيحه من كل قلبي قبل لايفوت الفوت

كتجربه :44: