شبابنا ماعاد فيهم خير؟؟

السلام عليكم ورحمة الله وبركاته


قبل يومين مره عليه اسوء يوم صار حادث شنيع على زوجي والحمدلله ربي ستر وصار عنده رضوض واصابات
بسيطه ولكن نفسيته مره سيئه من المنظر اللي شافه السياره الثانيه كان فيها 3 شباب
واحد توفى الله يرحمه وكانوا بسرعه جنونيه والصدمه جت لزوجي من الخلف سيارتهم تقلبت
واثنين طلعوا من السياره من قوة الصدمه وجت على واحد واستقرت على راسه وتوفى على طول
اما الثاني جت على ارجوله يقول زوجي لما وقفت سيارتي على الرصيف اسمع صراخ واحد منهم يقول نسيت نفسي
وطلعت بسرعه من السياره ورحت اساعدهم لقي الي كان يسوق يحاول يرفع السياره عن ارجول خويه وراح يساعده
لمارفعوا السياره كان الولد المتوفي تحتها ودماغه متناثر ومنظره مروع الله يرحمه
والكارثه واحد كان مار بسيارته يقول زوجي جاي بسرعه وعلى بالي بيجي يساعدنا نرفع السياره ولما وصل عندنا
طلع جوالها وقام يصور الحادث والرجال الي تحت السياره
انا لما قالي زوجي صراحه فقدت الامل من شبابنا وين الشهامه وين الفزعه والنخوه ايش المتعه انه
يصور شخص متوفي وثاني يصرخ من الالم

مادري زمانا تغير والا احنا تغيرنا
تبلدت احاسيس الناس

مااعمم مو كل الشباب بس عمله نادره من تجدينه فيه الخير

انا اتمنى يرجع الزمان كم سنه لما كانت الناس تفزع لبعض وتساعد بعض

ماعليش طولت عليكم بالهذره بس والله من الحره الي بقلبي
واخيرا الله لايوريكم مكروه والله يرحم الولد المتوفي ويصبر اهله