شخباركم طيبين المهم بدخل في الموضوع دغري على قولة اخوانا المصريين
هذا يا طويلات العمر اليوم كنت في السوق وشفت مناظر بصراااااااااحه مصيبه الا اللبس ولا الضحكه ولا شي يدل على الرجولة اش صار وين الرجال البناطيل لنص الخصر والبلايز اظنها سلف من خواتهم والشعر اللي الى اخر الرقبه وهو شوشه ما به حلا عشان نبلعه واللي الله مكثر خيره لابس ثوب ليته ما لبسه ضيق ومخصر ويادوب يمشي فيه يرفع طرفه زي البنات عشان يقدر يمشي ااااااااااااه يالقهر ليت جدي الله يرحمه لحق عليهم وعطاهم بخيزرانه الى ما عضوا الارض وش ذا رجال كرجال ولا رجال لا واحد كان ماشي الظاهر هو وخويته وهم الله يا فلان يحق لك مو قادر تمسك نفسك من الرومنسيه ماااااااااااااااالت حتى مااااااااااااالت لا حياء ولا غيره ولا شي من جد كنت مقهوره منهم اش ذي الميوعه اللي فيهم ودك تمسكين عصا و أي واحد يمر اعطيه من المقسوم الى ما يعرف ان الله حق :44: لا حول ولا قوة الا بالله
نجي لشق الثاني ^^^ متعوب عليها شق ترى :27: البنات وما ادرك ما البنات
اليوم احوس في ذا السوق ابي فستان ساتر للاسف يقول صاحب المحل مافيه ساتر على الاقل يعني يترقع ماااااااااااافيه يا قصير فوق الركبه ومخلع يا طويل وفوق ما ينستر 
معقوله لها الدرجه ضحك عليهم الشيطان انا قبل فترة رحت فرح شفت اغلب البنات قصير قصير يعني نص الفخذ بلاه لا سترت من فوق ولا من تحت وش فايدة اللبس ومن زين الجسم كله شحوم تصافق مدري وين امهاتهم مقولة ترضى بنتها تخرج كذا لا وصاير يعجبهم المخلعه يقال عارفه في الموضه طيب وبعدين يا بنات قهرتني عجوز تقرب لنا تبي تخطب لولدها تقولها جارتنا بنت فلان ما شاء الله عليها مزيونه وراعية بيت قالت لا لا ما تصلح ما شفتيها ما تعرف تلبس زي البنات تقل رجال تعرفون ليه رجال دايم فساتينها طويله والاكمام مستره وجهها سمح يا ناس عاجتها وحده الله يصلحها القصير والعريان والحواجب مرفوعه وين الناس اللي كانت تدور على المحتشمه المتدينه الله المستعان معقوله كل ذا غزوا فكري اش اللي صار وغير مجتمعنا و وصله لذا الانحطاط صار الرجال اللي يغار على اهل بيته وعاقل وماسك البيت ومحترم نفسه ومجتمعه بدوي ومتخلف والمايع اللي لو تهب نسمة هواء طاح منها كول وفلة والبنت المحتشمه والسنعه اللي ما ترضى بغلط وما تلوي لسانها لفلان وعلان وما عندها خرابيط قليلة حياء ودفشه وما عندها اسلوب واللي جسمها اغلبه برى وريحة العطر توصل لجارهم وشكلها مدري اشلون واللي اذ كلمتيها تقعد ساعه عالبال ما تطلع الكلمة من ثقالت الدم من كثرت ما تمط في الكلام رايقه ومثقفه وشياكه :09: اش اللي غيرنا ولخبط ميزان مجتمعنا من جد ارتفع ضغطي بناااااااااااات ترى لا يغركم كلامي تقولون ذي شكلها عجوز ترى انا :27: بنوته وعمري 24 بس لي طولت العمر في الطاعه وترى مشهود لي اعرف البس واتشيك بس بحدود بس قهرني لبس البنات احس صرنا امريكا مو السعوديه سامحوني على كثر البربره ....