اختي حياة يحي سويت لج رساله خاصه
بس بغيت اعرف كيف اعرف لكل من انواع البطاط او الشبصات

ان الغرام ينضرب في 546
وبعد كيف اعرف ان لكل جرام 100
اريد توضيح باين عليج شاطره في هالاشياء

أختي نبراس اليقين

عذراً جاوبت على العام علشان الكل يستفيد...

هذا الرقم متوسط لأنواع الشيبس اللي تكون رقائق البطاطا يعني مثل شيبس عمان وشبس لايز وتسالي وغيرها ... لأنها كلها تصنع بنفس الطريقة (يقطع البطاطا شرايح ويقلى في الزيت وتضاف له منكهات) ... غالباً المنكهات مثل الملح والفلفل الحار خالية من السعرات الحرارية .. لذلك فمعظم أنواع الشيبس راح يكون فيها نفس السعرات (اللي هي 546 لكل 100 جرام) ... يعني تقريباً مب بالضبط ... ممكن يفرق 10-20 سعرة يعني عادي ما راح يأثر...

طريقة الحساب انك تضربين وزن باكيت الشيبس في 546 على 100 ... يعني ممكن تختصرين الطريق وتضربين في 5.46

أما من وين جبت الرقم فهذا من كتاب عندي ..هو مرجع فيه جميع السعرات الحرارية للمواد الغذائية المشتهرة والمنتشرة في بريطانيا خاصة (لأن هو إصدار بريطاني) ... اسمه Collins Gem Calorie Counter لكل مادة غذائية يعطيك كم سعرة في ال100 جرام... حتى فيه جميع الحلويات والشوكولاته مثل التوكس والمارس وغيره .... وحتى لو الشيء اللي تبغين تعرفينه مش موجود في الكتاب (مثلاً شيبس عمان) ممكن تأخذين شيء مشابه له (مثلاً أي شبس) وراح يكون عدد السعرات قريب منه...

وإذا ودك تسألين أو الأخوات عن السعرات الحرارية لأي أكل أو حتى لوجبات المطاعم أنا ممكن أساعدكم بس بشرط تدعون لي الله يسهّل لي اللي في بالي ويكتب لي الخير أينما كان ويرضيني به.

مادري أظن فيه سؤال لك ما فهمته ((وبعد كيف اعرف ان لكل جرام 100)) ممكن توضحين أكثر؟؟؟

وهو الشيبس اللي عندك كم جرام فيه علشان أتأكد لك من حسبتك؟

اختي مشكوره على هالمعلومات
بالنسبه سؤال اللي سئلتي هو مكتوب فيه
الوزن الصافي 15 جرام
يالله انتظر ردج ..................واذا عندي اي سؤال برجع لج

إذا 15 جرام فصحيح ان فيه تقريباً 82 سعرة