ختيه أمنية حلوة

بالنسبة للشبكات بهالديزاين الأسعار ثابتة

80 درهم للشبكة

-------------------------------------

ختيه عتوش

بغيت أطرش لج التفاصيل ع الخاص حبوبة

لكن خاصية الرسايل الخاص مش مفعلة عندج

المهم بحاول أرد على استفساراتج هنيه

شوفي غناتي

إذا حابة تحجزين الشبكات

حددي ليه أرقام الشبكات اللي بغيتيهن

وطرشي ليه ع الخاص عقب ما تفعلين خاصية الرسايل عندج

وعطينيه أرقامهن

وطرشي ليه عنوانج ورقم تيليفونج

وبطرش لج طلبيتج بالآرامكس إن شاء الله

وإذا في خاطرج ألوان ثانية

آمري باللي في بالج

حتى لو الجلابية أو الفستان اللي بتلبسينه فيه دمج أكثر من لون

خبرينيه بالألوان اللي بغيتينيه أشتغل بهن

لأني في العادة أشتغل على حسب الطلب

لكن هالشبكات بعضهن أنا سويتهن في وقت فراغ

وبعضهن لخوات طلبن وعقب ما استلمن طلبياتهن

بالنسبة لمحلي ----- فأنا ما عندي محل في الوقت الحاضر

بس يمكن في المستقبل إن شاء الله بتوفيق من رب العالمين


وإذا عندج أي استفسار فالج طيب

موفقه انشاءالله ماشاء الله ابداع

بالتوفيق ان شاء الله

ماشالله عليج بصراحة رديت اشوف الشبكات روعه وشغل نظيف الله يوفقج وتفتحين محل...
الغاليه بس عالشبكات تشتغلين ولا عالشباصات بعد ياليت نشوف اكثر من جي؟؟

خواتي اسويرا وبدرية1

يزاكن الله كل خير

---------------------------------------------

ختيه عتوش

يزاج الله كل خير وربي يسمع منج

حبوبة أشتغل على شباصات بعد

شوفي الرابط اللي في توقيعيه

آخر تصاميمي من اكسسوارات الشعر

وإذا حابة تشوفين نماذج أكثر من شغليه

ضغطي على الصورة الوردية في توقيعيه

وأكثر الشغل الموجود في المعرض تنفذ لخواتي في عالم حواء


ربي يحفظج حبوبة